Tímabundinn styrkur til stuðnings menningarstarfsemi í Sveitarfélaginu Skagafirði

Tekin fyrir drög að reglum um styrk til stuðnings menningarstarfsemi í Sveitarfélaginu Skagafirði vegna áhrifa COVID á árinu 2020.
Atvinnu-, menningar- og kynningarnefnd samþykkir fyrirliggjandi reglur um úthlutun.

Atvinnu-, menningar- og kynningarnefnd samþykkir að auglýsa eftir umsóknum um tímabundinn styrk til stuðnings menningarstarfsemi í Sveitarfélaginu Skagafirði. Styrkurinn er liður í viðspyrnu Sveitarfélagsins Skagafjarðar vegna COVID-19 til að styðja við heimili, fyrirtæki og félagasamtök í Sveitarfélaginu Skagafirði.

Umsækjendur eru þeir sem orðið hafa fyrir tekjutapi vegna menningarviðburða sem ákveðið hefur verið að fella niður eða breyta verulega vegna samkomubanns af völdum COVID-19 og hægt er að
sýna fram á að hafi veruleg áhrif á rekstur og starf viðkomandi aðila.

Umsókn skal fylgja stutt greinargerð þar sem gerð er grein fyrir tekjutapi vegna viðburðar. Einnig þarf að gera grein fyrir áætluðum kostnaði vegna viðburðar sem ekki kemur til greiðslu, þ.e.a.s. fellur niður.

Gera þarf grein fyrir í umsókn hvaða áhrif tekjutap viðburðar hefur haft á umsækjanda og hvernig brugðist hefur verið við til að lágmarka tjón.

Gera þarf grein fyrir öðrum stuðningi sem sótt er um vegna stöðunnar s.s. frá sérsamtökum eða ríkisvaldi. Þeir aðilar sem hlotið hafa stuðning frá hinu opinbera vegna Covid-19 eiga ekki rétt á styrk.

Tímabil menningarviðburða sem styrkhæfir eru í þessari sértæku úthlutun er frá 1. mars 2020 til loka árs 2020. Þeir viðburðir sem ákveðið var innan þessa tímabils að fella niður eða breyta verulega
umfangi þeirra falla undir þessa úthlutun.

Umsóknarfrestur er til og með 16.03.2021

Frekari upplýsingar veita Sigfús Ólafur og Heba, starfsmenn nefndarinnar.

Tekinn fyrir tímabundinn styrkur til stuðnings menningarstarfsemi í Sveitarfélaginu Skagafirði, en atvinnu-, menningar- og kynningarnefnd auglýsti eftir umsóknum um styrkinn. Styrkurinn er liður í viðspyrnu Sveitarfélagsins Skagafjarðar vegna COVID-19 til að styðja við heimili, fyrirtæki og félagasamtök í Sveitarfélaginu Skagafirði. Umsóknarfrestur rann út í lok dags 16. mars sl. Alls bárust 13 umsóknir.
Atvinnu-, menningar- og kynningarnefnd ákveður að halda vinnufund mánudaginn 29.mars nk. og fara yfir umsóknirnar.

Farið yfir umsóknir um tímabundinn styrk til stuðnings menningarstarfsemi í Sveitarfélaginu Skagafirði vegna áhrifa Covid-19. Nefndin samþykkir að afla nánari upplýsinga hjá umsækjendum áður en kemur til úthlutunar.

Teknar fyrir umsóknir um tímabundinn styrk til stuðnings menningarstarfsemi í Sveitarfélaginu Skagafirði. Samþykktar voru 9 umsóknir sem uppfylltu skilyrði úthlutunarreglna. Til úthlutunar voru 2.000.000 kr. Atvinnu-, menningar- og kynningarnefnd samþykkir að veita eftirtöldum aðilum styrk:

Bjórsetur Íslands 160.000 kr
Sviðsljós ehf 160.000 kr
Studió Benmen ehf 160.000 kr
Sigfús Benediktsson 160.000 kr
Sigurlaug Vordís Eysteinsdóttir 160.000 kr
Leikfélag Sauðárkróks 300.000 kr
Karlakórinn Heimir 300.000 kr
Króksbíó 300.000 kr
Gullgengi ehf 300.000 kr