Fara í efni

Skipulags- og byggingarnefnd - 403

Málsnúmer 2104001F

Vakta málsnúmer

Sveitarstjórn Sveitarfélagins Skagafjarðar - 409. fundur - 14.04.2021

Fundargerð 403. fundar skipulags- og byggingarnefndar frá 8. april 2021 lögð fram til afgreiðslu á 409. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Enginn kvaddi sér hljóðs.
  • Skipulags- og byggingarnefnd - 403 Óskar Már Atlason kt. 190981-5099, leggur fram ósk um að lóðamörk við Skógargötu 6, í Varmahlíð, verði innmæld og gefið verði út lóðarblað með afmörkun og stærð lóðar.
    Skipulags- og byggingarnefnd felur skipulagsfulltrúa að hefja vinnu við að fá allar lóðir við Skógarstíg og Skólaveg, í Varmahlíð, hnitasettar og afmarkaðar.
    Bókun fundar Afgreiðsla 403. fundar skipulags- og byggingarnefndar staðfest á 409. fundi sveitarstjórnar 14. apríl 2021 með níu atkvæðum.
  • Skipulags- og byggingarnefnd - 403 Hreppsnefnd Akrahrepps samþykkti á fundi sínum 24. mars 2021 að kynna skipulags- og matslýsingu vegna endurskoðunar á aðalskipulagi Akrahrepps, í samræmi við 1. mgr. 30. gr. skipulagslaga nr. 123/2010 og lög um umhverfismat áætlana nr. 105/2006. Aðalskipulag Akrahrepps 2010-2022, sem nú er í gildi, var staðfest af umhverfisráðherra 8. mars 2011. Kynning skipulags- og matslýsingar stendur nú yfir og lýkur 30. apríl n.k.
    Skipulagsfulltrúi leggur fram skipulags- og matslýsingu f.h. Akrahrepps og óskar eftir umsögn skipulags- og byggingarnefndar Sveitarfélagsins Skagafjarðar.
    Skipulags- og byggingarnefnd gerir ekki athugasemdir við framlagða skipulags- og matslýsingu.
    Bókun fundar Forseti gerir tillögu um að vísa afgreiðslu málsins til liðarins "Aðalskipulag Akrahrepps 2022-2032 - Heildarendurskoðun". Samþykkt samhljóða.
  • Skipulags- og byggingarnefnd - 403 Guðmundur Þór Guðmundsson f.h. eignasviðs Skagafjarðar, eigenda íþróttasvæðis við Skagfirðingabraut, sækir um framkvæmdaleyfi fyrir nýrri áhorfendastúku við gervigrasvöll á íþróttasvæðinu. Áhorfendastúkan mun taka 315 manns í sæti, og áætluð staðsetning norðan gervigrasvallarins, þ.e. meðfram langhlið vallar. Teikningar unnar af Stoð ehf verkfræðistofu, úr verki nr. 414404, dags. 24.3.2021.
    Skipulags- og byggingarnefnd samþykkir umsóknina, og felur skipulagsfulltrúa að gefa út framkvæmdaleyfi í samræmi við 13.gr. skipulagslaga nr. 123/2010 og reglugerð um framkvæmdaleyfi nr.772/2012.
    Bókun fundar Forseti gerir tillögu um að vísa afgreiðslu málsins til liðarins "Skagfirðingabraut L143716 - Íþróttasvæði - Umsókn um framkvæmdaleyfi.". Samþykkt samhljóða.
  • Skipulags- og byggingarnefnd - 403 Andrés Geir Magnússon kt. 250572-4849, f.h. Litla grís ehf kt. 660398-3179 þinglýsts eiganda jarðarinnar Hellulands land L202496, óskar eftir heimild til að stofna 48.086 m2 (4,8ha) spildu úr landi jarðarinnar, og er óskað eftir að spildan fái heitið Fellsborg, skv. meðfylgjandi gögnum frá Stoð ehf. verknr. 748902, uppdráttur S01 útg. 18. mars. 2021. Óskað er eftir að spildan verði skráð sem jörð. Kvöð er um umferðar- og yfirferðarrétt að útskiptri spildu er um aðkomuvegi að landi Hellulands L202496. Innan útskiptrar spildu er núverandi matshluti 02, svínahús 323,7 m2, byggt árið 2012. Upprunajörð er ekki skráð lögbýli skv. lögbýlaskrá 2019.
    Skipulags- og byggingarnefnd samþykkir erindið eins og það er fyrir lagt.
    Bókun fundar Afgreiðsla 403. fundar skipulags- og byggingarnefndar staðfest á 409. fundi sveitarstjórnar 14. apríl 2021 með níu atkvæðum.
  • Skipulags- og byggingarnefnd - 403 Skipulagsfulltrúi leggur fram drög að tillögum fyrir vinnureglum um úthlutanir á lóðum í eigu Sveitarfélagsins Skagafjarðar.
    Skipulags- og byggingarnefnd fór yfir helstu þætti er varðar væntanlegar reglur um úthlutanir á lóðum Sveitarfélagsins Skagafjarðar.
    Bókun fundar Afgreiðsla 403. fundar skipulags- og byggingarnefndar staðfest á 409. fundi sveitarstjórnar 14. apríl 2021 með níu atkvæðum.
  • Skipulags- og byggingarnefnd - 403 Steinn Leó Sveinsson sviðsstjóri veitu- og framkvæmdasviðs Sveitarfélagsins Skagafjarðar sækir um framkvæmdaleyfi vegna fyrirhugaðrar borunar hitaveituholu við Reykjarhól í Varmahlíð. Sótt er um leyfi til borunar holu, vegslóða að borplani, gerð borplans um 400m2. Einnig er sótt um leyfi fyrir uppsetningu lagna að dæluhúsi við borholu VH-12.
    Vinnsluholan VH-20 verður staðsett um 270m norðvestur af núverandi vinnsluholu VH-12. Áætlað dýpi er um 700m og verður holan fóðruð með tæplega ellefu tommu fóðringu niður á um 200m dýpi. Vatn til borunar verður tekið úr Víðimýrará, en borvökvi leiddur í setlaug skammt norðan borplans, og frárennsli veitt þaðan í skurðakerfi norðan borplans.
    Skipulags- og byggingarnefnd samþykkir umsóknina, og felur skipulagsfulltrúa að gefa út framkvæmdaleyfi í samræmi við 13.gr. skipulagslaga nr. 123/2010 og reglugerð um framkvæmdaleyfi nr.772/2012.
    Bókun fundar Forseti gerir tillögu um að vísa afgreiðslu málsins til liðarins "Reykjarhóll - Framkvæmdaleyfi. borhola VH-20.". Samþykkt samhljóða.