Landbúnaðarnefnd - 226

Málsnúmer 2203017F

Sveitarstjórn Sveitarfélagins Skagafjarðar - 423. fundur - 06.04.2022

Fundargerð 226. fundar landbúnaðarnefndar frá 17. mars 2022 lögð fram til afgreiðslu á 423. fundi sveitarstjórnar eins og einstök erindi bera með sér. Stefán Vagn Stefánsson forseti kynnti fundargerð. Enginn kvaddi sér hljóðs.

.1 2202141 Fyrirkomulag eftirleita í Vesturfjöllum

Landbúnaðarnefnd - 226 Andrés Helgason bóndi í Tungu, Gönguskörðum, kom á fund landbúnaðarnefndar undir þessum dagskrárlið til viðræðu um slælegar fjárleitir í Vesturfjöllum, sérstaklega svæðið frá Gyltuskarði norður til Hryggjadals. Síðustu ár hefur Andrés ásamt fleirum sótt fjölda fjár að loknum hefðbundnum leitum. Andrés og félagar hans hafa gert þetta að eigin frumkvæði og varið til þess ómældri vinnu og kostnaði.
Nefndin er sammála um að kalla fjallskilastjóra á viðkomandi svæði á næsta landbúnaðarnefndarfund. Umhverfis- og landabúnaðarfulltrúa falið að leita leiða til að bæta þeim aðilum sem staðið hafi í handsömun á eftirlegufé í Vesturfjöllunum útlagðan kostnað vegna ársins 2021-2022. Bókun fundar Afgreiðsla 226. fundar landbúnaðarnefndar staðfest á 423. fundi sveitarstjórnar 6. apríl 2022 með níu atkvæðum.
.2 2202157 Afréttargirðing Áshildarholti

Landbúnaðarnefnd - 226 Reynir Ásberg Jómundsson hefur óskað eftir því að sveitarfélagið komi að viðgerð á afréttargirðingu í landi Áshildarholts, u.þ.b. 1 km. að lengd. Lagfæring girðingarinnar var gerð sumarið 2021 og er kostnaðarhlutdeild sveitarfélagsins 628 þkr.
Landbúnaðarnefnd hefur þegar ráðstafað því fjármagni sem hún hefur til girðingaframkvæmda á fjárhagsáætlun ársins 2022. Hlutur sveitarfélagsins verður ekki til greiðslu fyrr en á árinu 2023 að óbreyttu. Bókun fundar Afgreiðsla 226. fundar landbúnaðarnefndar staðfest á 423. fundi sveitarstjórnar 6. apríl 2022 með níu atkvæðum.
.3 2202260 Grenjasvæði tilfærð

Landbúnaðarnefnd - 226 Lagður fram tölvupóstur dagsettur 24. febrúar 2022 frá Garðari Páli Jónssyni, Friðriki Andra Atlasyni og Herberti Hjálmarssyni þar sem þeir óska eftir breytingu á þeim grenjasvæðum sem þeim hafa verið úthlutuð til leitar.
Landbúnaðarnefnd samþykkir að Herbert og Friðrik Andri fá til viðbótar Hjaltadal að austan frá Hofsá, fram Haga, Héðinsdal og Fúinhyrnu. Við þessa breytingu eru þeir með Hjaltadalinn beggja megin ár framan við Hofsá.

Landbúnaðarnefnd hafnar beiðni Garðars Páls um að hann sjái um grenjaleit frá Sleitustöðum út Óslandshlíð að merkjum Stafnshóls og Skuggabjarga, sökum þess að svæðið er þegar úthlutað öðrum.
Bókun fundar Afgreiðsla 226. fundar landbúnaðarnefndar staðfest á 423. fundi sveitarstjórnar 6. apríl 2022 með níu atkvæðum.
.4 2202183 Refaveiði á Reykjatungu

Landbúnaðarnefnd - 226 Lagt fram erindi frá Marinó Erni Indriðasyni dagsett 17. febrúar 2022 varðandi refaveiði á svæði frá Vindheimum og fram í Villinganes.
Landbúnaðarnefnd hafnar beiðni Marinós sökum þess að svæðið er þegar úthlutað öðrum.
Bókun fundar Afgreiðsla 226. fundar landbúnaðarnefndar staðfest á 423. fundi sveitarstjórnar 6. apríl 2022 með níu atkvæðum.
.5 2105005 Verktakasamningar um veiðar á ref og mink

Landbúnaðarnefnd - 226 Kári Gunnarsson umhverfis- og landbúnaðarfulltrúi upplýsir að Elvar Már Jóhannsson og Jóhann Guðbrandsson hafa sagt upp samningum sínum um refaveiði á svæðinu frá Lónkoti og fram að Nýlendi. Svæði sem Jóhann Óskar Jóhannsson heitinn hafði í Sléttuhlíð er einnig laust til úthlutunar.
Landbúnaðarnefnd samþykkir að gera samninga við veiðimennina Kristján B. Jónsson og Egil I. Ragnarsson um að þeir skipta þessu svæði á milli sín og verði merki um Mannskaðahól. Bókun fundar Afgreiðsla 226. fundar landbúnaðarnefndar staðfest á 423. fundi sveitarstjórnar 6. apríl 2022 með níu atkvæðum.
.6 2202067 Refa- og minkaveiði 2022

Landbúnaðarnefnd - 226 Kári Gunnarsson umhverfis- og landbúnaðarfulltrúi leggur fram drög að úthlutun veiðikvóta refa og minka vegna ársins 2022.
Landbúnaðarnefnd samþykkir að verðlaun fyrir veidda minka hækki í 11.000 kr á dýr til ráðinna veiðimanna. Verðlaun fyrir ref verði óbreytt frá fyrra ári, jafnframt er samþykkt að greiða 15.000 kr. fyrir útkall til refaveiða að beiðni umhverfis- og landbúnaðarfulltrúa og 20.000 kr fyrir dýrbíta. Bókun fundar Afgreiðsla 226. fundar landbúnaðarnefndar staðfest á 423. fundi sveitarstjórnar 6. apríl 2022 með níu atkvæðum.