Aðalgata 16C - Umsókn um leyfi til að fjarlægja hús af lóð.

Fyrir liggur umsókn Steins Leó Sveinssonar sviðsstjóra veitu- og framkvæmdasviðs Skagafjarðar, fh. eigenda Aðalgötu 16c á Sauðárkróki, um leyfi til að fjarlægja húsið af lóðinni.
Einnig er sótt um stöðuleyfi fyrir húsinu á svokölluðum Tengilsreit við Aðalgötu 24 á Sauðárkróki, þar sem fyrirhugað er að húsið standi tímabundið þar til endanleg staðsetning liggur fyrir.
Fyrirhugaður flutningur (Maddömmukots) samræmist samþykktum skipulags- og byggingarnefndar 20. janúar og Sveitarstjórnar Skagafjarðar 9. febrúar 2022.
Þar sem umrætt hús er innan verndarsvæðis í byggð óskar byggingarfulltrúi eftir því við sveitastjórn Skagafjarðar að tekin sé afstaða til umsóknarinnar sbr. 6. gr. laga nr. 87/2015 um verndarsvæði í byggð.
Meðfylgjandi:
Umsókn dagsett 2. september 2022
Afstöðumynd gerð á Stoð ehf. verkfræðistofu, dagsett 1. ágúst 2022.
Umsögn Minjastofnunar Íslands, dagsett 18. ágúst 2022.

Sveitarstjórn samþykkir með 9 atkvæðum að fela byggingarfulltrúa að auglýsa hina fyrirhuguðu framkvæmd og skal auglýsingartími vera tvær vikur. Hafi ábendingar/athugasemdir varðandi fyrirhugaða framkvæmd ekki borist á auglýsingartíma er byggingarfulltrúa falin afgreiðsla málsins.

Steinn Leó Sveinsson sviðsstjóri veitu- og framkvæmdasviðs sækir f.h. sveitarfélagsins Skagafjarðar, eiganda geymslu sem stendur á lóðinni númer 16C við Aðalgötu (Maddömukot) um leyfi til að fjarlægja húsið af lóðinni. Einnig sótt um stöðuleyfi fyrir húsinu á svokölluðum Tengilsreit við Aðalgötu 24 á Sauðárkróki. Fyrir liggur umsögn Minjastofnunar Íslands, dagsett 18. ágúst 2022. Meðfylgjandi afstöðumynd gerð á Stoð ehf. verkfræðistofu dagsett, 1. sept. 2022 gerir grein fyrir fyrirhugaðri staðsetningu. Erindið samþykkt, stöðuleyfi veitt.