Beiðni um fjárhagsstuðning um kaup á nýju björgunarskipi

Lagt fram bréf dagsett 19. september 2022 frá Björgunarbátasjóði Norðurlands varðandi ósk um fjárhagsstuðning við kaup á nýju björgunarskipi. Óskað er eftir að forsvarsmaður sjóðsins, Kolbeinn Óttarsson Proppé fái að koma á fund byggðarráðs til þess að kynna verkefnið betur, fjárþörfina og leiðir til að dreifa fjárhagsstuðningi yfir lengri tíma.
Byggðarráð samþykkir að fela sveitarstjóra að bjóða fulltrúa sjóðsins á næsta fund ráðsins.

Málið áður á dagskrá 15. fundar byggðarráðs þann 28. september. Lagt fram bréf dagsett 19. september 2022 frá Björgunarbátasjóði Norðurlands varðandi ósk um fjárhagsstuðning við kaup á nýju björgunarskipi. Kolbeinn Óttarsson Proppé og Gísli Ingimundarson mættu á fundinn fyrir hönd Björgunarbátasjóðs Norðurlands og kynntu verkefnið.

Málið áður á dagskrá 15. fundar byggðarráðs þann 28. september 2023 og 17. fundar þann 10. október. Lagt fram bréf dagsett 19. september 2022 frá Björgunarbátasjóði Norðurlands varðandi ósk um fjárhagsstuðning við kaup á nýju björgunarskipi. Einnig tölvupóstur dagsettur 9. mars 2023 um stöðu fjáröflunar fyrir björgunarskip sem afhent verður þann 25. mars 2023 í heimahöfn þess á Siglufirði.
Byggðarráð samþykkir að veita 2 milljónum króna til söfnunarinnar. Fjármagnið verður tekið af styrkjalið málaflokks 07.