Reglur um fjárhagsaðstoð

Reglurnar eru annarsvegar uppfærðar með tilliti til sameiningar sveitarfélaganna í Skagafirði og hins vegar eru gerðar breytingar á viðmiðum á grunnfjárhæð í 9.gr. viðmið verður 80,4% af atvinnuleysisbótum eins og þær voru í nóvember árið á undan í stað 82%. Félagsmála- og tómstundanefnd samþykkir reglunar fyrir sitt leyti og vísar þeim til byggðarráðs.

Lagðar fram reglur Skagafjarðar um fjárhagsaðstoð sem vísað var til byggðarráðs frá 7. fundi félagsmála- og tómstundanefndar þann 1. desember 2022.
Byggðarráð samþykkir reglurnar og vísar þeim til afgreiðslu sveitarstjórnar.

Vísað frá 25. fundi byggðarráðs frá 7. desember sl. til afgreiðslu sveitarstjórnar, þannig bókað:
"Lagðar fram reglur Skagafjarðar um fjárhagsaðstoð sem vísað var til byggðarráðs frá 7. fundi félagsmála- og tómstundanefndar þann 1. desember 2022. Byggðarráð samþykkir reglurnar og vísar þeim til afgreiðslu sveitarstjórnar."

Framlagðar reglur um fjárhagsaðstoð, bornar upp til afgreiðslu sveitarstjórnar og samþykktar með níu atkvæðum.

Núgildandi reglur Skagafjarðar um fjárhagsaðstoð teknar til umræðu. Nefndin felur félagsmálastjóra að taka reglurnar til endurskoðunar með tilliti til þess hvenær mál eru tekin fyrir í félagsmála- og tómstundanefnd og hvenær sveitarstjóri ásamt sviðsstjóra fjölskyldusviðs geta samþykkt beiðnir félagsþjónustu um afgreiðslu umsókna án aðkomu nefndarinnar.