Veitunefnd - 6
Málsnúmer 2212016F
Vakta málsnúmerSveitarstjórn Skagafjarðar - 9. fundur - 18.01.2023
Fundargerð 6. fundar veitunefndar frá 21. desember 2022 lögð fram til afgreiðslu á 9. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Enginn kvaddi sér hljóðs.
-
Veitunefnd - 6 Steinn Leó Sveinsson sviðsstjóri veitu- og framkvæmdasviðs og Gunnar Björn Rögnvaldsson verkefnastjóri fara yfir stöðuna sem skapast hefur í
yfirstandandi kuldakasti. Þetta kuldakast hafði mikil áhrif á rekstur hitaveitu í Skagafirði, þá sérstaklega á veitusvæði Varmahlíðar og Sauðárkróks. Starfsmenn Skagafjarðarveitna hafa í samstarfi við íbúa og fyrirtæki á svæðinu unnið að úrbótum, betri nýtingu og sparnaði á orku til hitunar. Samtímis er unnið að því að bæta inn dælu á borholu við Norðurbrún í Varmahlíð. Vonir eru bundnar við að þessi viðbót styrki Varmahlíðarveitu og bæti rekstraröryggi hennar. Á Sauðárkróki er unnið að því að bæta inn borholu á kerfið sem áætlað er að geti skilað allt að 5 lítrar á sekúndu.
Veitunefnd vill þakka starfsmönnum Skagafjarðarveitna fyrir ómetanlegt framlag við erfiðar aðstæður síðustu vikur. Einnig vill nefndin koma þökkum til almennings og fyrirtækja fyrir góð viðbrögð við óskum Skagafjarðarveitna um aðhald í heitavatnsnotkun.
Veitunefnd hvetur fyrirtæki og íbúa til að huga áframhaldandi aðhaldi í heitavatnsnotkun og fylgjast með tilkynningum á miðlum Skagafjarðar um ástand hitaveitunnar. Bókun fundar Afgreiðsla 6. fundar veitunefndar staðfest á 9. fundi sveitarstjórnar 18. janúar 2023 níu atkvæðum.