Byggðarráð Skagafjarðar - 34
Málsnúmer 2302006F
Vakta málsnúmerSveitarstjórn Skagafjarðar - 10. fundur - 15.02.2023
Fundargerð 34. fundar byggðarráðs frá 9. febrúar 2023 lögð fram til afgreiðslu á 10. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Einar E Einarrson varafaorseti tók við stjórn fundar undir afgreiðslu liðar nr 2. Sveinn Úlfarsson kvaddi sér hljóðs.
-
Byggðarráð Skagafjarðar - 34 Erindið áður á dagskrá 33. fundar byggðarráðs þann 1. febrúar 2023. Erindinu vísað til byggðarráðs frá 8. fundi atvinnu-, menningar- og kynningarnefndar þann 24. janúar 2023. Lagt fram bréf dagsett 18. janúar 2023 frá forsvarsmanni Króksbíós ehf. þar sem óskað er eftir fundi með atvinnu-, menningar- og kynningarnefnd sveitarfélagsins vegna seinkunar á framkvæmdum við Bifröst og fjárhagslegs tjóns sem fyrirtækið hefur orðið fyrir vegna þessa. Sigurbjörn Björnsson framkvæmdastjóri Króksbíós ehf. kom á fundinn til viðræðu.
Byggðarráð samþykkir að fela sveitarstjóra fá frekari gögn frá Króksbíó ehf. og málið verður tekið aftur fyrir á næsta fundi ráðsins. Bókun fundar Afgreiðsla 34. fundar byggðarráðs staðfest á 10. fundi sveitarstjórnar 15. febrúar 2023 með níu atkvæðum. -
Byggðarráð Skagafjarðar - 34 Farið yfir samning um stofnframlag á grundvelli laga um almennar íbúðir, á milli sveitarfélagsins og Bæjartúns íbúðafélags hses. Arnór Halldórsson hrl. tók þátt í fundinum undir þessum dagskrárlið í gegnum fjarfundabúnað.
Byggðarráð samþykkir að fela sveitarstjóra og lögmanni að skrifa Bæjartúni hses. bréf í samræmi við viðræður á fundinum.
Sólborg Borgarsdóttir vék af fundi undir afgreiðslu þessa dagskrárliðar og Guðlaugur Skúlason kom inn í hennar stað. Vék hann síðan af fundi. Bókun fundar Einar E Einarsson varaforseti stjórnar fundi undir afgreiðslu málsins.
Afgreiðsla 34. fundar byggðarráðs staðfest á 10. fundi sveitarstjórnar 15. febrúar 2023 með átta atkvæðum. Sólborg S Borgarsdóttir vék af fundi undir afgreiðslu málsins. -
Byggðarráð Skagafjarðar - 34 Lagt fram ódagsett bréf móttekið 6. febrúar 2023, til sveitarstjórna í Skagabyggð, Skagafirði og Húnabyggð frá búfjáreigendum er sóttu fund búfjáreigenda í Skagahólfi þann 2. febrúar 2023. Eftirfarandi bókun var samþykkt á framangreindum fundi: "Fundur búfjáreigenda í Skagahólfi skorar á sveitarstjórnir Skagabyggðar, Húnabyggðar og Skagafjarðar að beita sér af krafti fyrir því að fá Vegagerðina til að girða af Þverárfjallsveginn, beggja vegna, frá Skagastrandarvegi að Sauðárkróki. Með því móti yrði komið í veg fyrir alvarleg bílslys og tjón á búfénaði. Girðingin þarf að vera fjárheld netgirðing með gaddavír undir og yfir og viðhald hennar tryggt. Gríðarleg umferð er um veginn og á honum hafa orðið tíð slys, þegar keryrt hefur verið á búfé. Alvarlegt slys varð á veginum sumarið 2022, þegar fólksbíl var ekið á tvö hross. Hrossin drápust og mikið lán var að ekki yrðu alvarleg slys á fólki."
Byggðarráð tekur jákvætt í erindið og felur sveitarstjóra að hafa samband við framkvæmdastjóra Skagabyggðar og Húnabyggðar um nálgun málsins gagnvart Vegagerðinni. Bókun fundar Sveinn Úlfarsson kvaddi sér hljóðs.
Afgreiðsla 34. fundar byggðarráðs staðfest á 10. fundi sveitarstjórnar 15. febrúar 2023 með níu atkvæðum. -
Byggðarráð Skagafjarðar - 34 Lagður fram tölvupóstur dagsettur 20. janúar 2023 frá veitu- og framkvæmdasviði varðandi ljósleiðaratengingar í 31 íbúð í eigu félagsíbúða sveitarfélagsins.
Byggðarráð samþykkir að heimila að ljósleiðari verði tengdur við fjölbýlishúsin við Skógargötu 2 og Víðimýri 4-10, þannig að íbúar geti tengst ljósleiðaranum kjósi þeir svo. Bókun fundar Afgreiðsla 34. fundar byggðarráðs staðfest á 10. fundi sveitarstjórnar 15. febrúar 2023 með níu atkvæðum. -
Byggðarráð Skagafjarðar - 34 Lagður fram til kynningar tölvupóstur dagsettur 1. febrúar 2023 þar sem matvælaráðuneytið kynnir til samráðs mál nr. 22/2023, "Frumvarp til laga um breytingu á lögum nr. 116/2006, um stjórn fiskveiða (svæðaskipting strandveiða)". Umsagnarfrestur er til og með 15.02.2023. Bókun fundar Afgreiðsla 34. fundar byggðarráðs staðfest á 10. fundi sveitarstjórnar 15. febrúar 2023 með níu atkvæðum.
-
Byggðarráð Skagafjarðar - 34 Lagður fram til kynningar tölvupóstur dagsettur 2. febrúar 2023 frá Almannavörnum þar sem kynnt er að árleg ráðstefna Almannavarna verður haldin á Hilton Reykjavík Nordica fimmtudaginn 27. apríl n.k. Bókun fundar Afgreiðsla 34. fundar byggðarráðs staðfest á 10. fundi sveitarstjórnar 15. febrúar 2023 með níu atkvæðum.