Landbúnaðarnefnd - 7
Málsnúmer 2302020F
Vakta málsnúmerSveitarstjórn Skagafjarðar - 11. fundur - 08.03.2023
Fundargerð 7. fundar landbúnaðarnefndar frá 27. febrúar 2023 lögð fram til afgreiðslu á 11. fundi sveitarstjórnar eins og einstök erindi bera með sér. Sólborg Borgarsdóttir forseti fundargerð. Enginn kvaddi sér hljóðs.
-
Landbúnaðarnefnd - 7 Lagður fram leigusamningur við Jóhannes Pálsson frá 1. júní 2016 um spildu nr. 16 á Hofsósi. Stærð hólfsins hefur breyst og þörf á að gera viðauka við fyrirliggjandi samning.
Landbúnaðarnefnd samþykkir að fela umhverfis- og landbúnaðarfulltrúa að gera viðauka við framangreindan samning.
Bókun fundar Afgreiðsla 7. fundar landbúnaðarnefndar staðfest á 11. fundi sveitarstjórnar 8. mars 2023 með níu atkvæðum. -
Landbúnaðarnefnd - 7 Lagt fram minnisblað frá Sambandi íslenskra sveitarfélaga, dagsett 3. febrúar 2023 varðandi ágang búfjár. Minnisblaðið er ritað vegna álits Umboðsmanns Alþingis 11. október 2022 (11167/2021) og úrskurðar dómsmálaráðuneytisins 11. janúar 2023 (DMR21080053). Markmið minnisblaðsins er að varpa ljósi á réttarstöðu sveitarfélaga þegar beiðnir um smölun berast sveitarfélögum vegna ágangs búfjár milli landareigna og jafnframt frá afrétti. Bókun fundar Afgreiðsla 7. fundar landbúnaðarnefndar staðfest á 11. fundi sveitarstjórnar 8. mars 2023 með níu atkvæðum.
-
Landbúnaðarnefnd - 7 Landbúnaðarnefnd samþykkir að umsjón refaveiða í Blöðnduhlíð í fyrrum Akrahreppi verði á höndum Kára Gunnarssonar, Herberts Hjálmarssonar og Friðriks Andra Atlasonar. Herbert og Friðrik Andri munu sjá um nyrsta hluta svæðisins milli Kyrfisár og Þverár þ.m.t. Tungufjall og Vindárdalur. Kári Gunnarsson vék af fundi við afgreiðslu þessa dagskrárliðar.
Landbúnaðarnefnd samþykkir ofangreinda tilhögun veiða í fyrrum Akrahreppi. Bókun fundar Afgreiðsla 7. fundar landbúnaðarnefndar staðfest á 11. fundi sveitarstjórnar 8. mars 2023 með níu atkvæðum. -
Landbúnaðarnefnd - 7 Lögð fram fyrirspurn dagsett 13. febrúar 2023 frá Þorbirni R. Steingrímssyni varðandi verðlaun fyrir veidd vetrardýr (refir). Þorbjörn telur mikið vera af ref á svæðinu í kringum Sandfell en veiðimenn sýni þessu svæði lítinn áhuga. Þorbjörn hefur fengið veiðimann sem ekki er með samning við sveitarfélagið til að bera út hræ og reyna að vinna refina. Óskar hann eftir því að veiðimaðurinn fái greidd verðlaun frá sveitarfélaginu með sama hætti og ráðnir veiðimenn sveitarfélagsins.
Landbúnaðarnefnd hafnar erindinu. Bókun fundar Afgreiðsla 7. fundar landbúnaðarnefndar staðfest á 11. fundi sveitarstjórnar 8. mars 2023 með níu atkvæðum. -
Landbúnaðarnefnd - 7 Á árinu 2022 hefur sveitarfélagið greitt fyrir eftirleitir á Staðarafrétt sbr. afgreiðslu máls 221280.
Landbúnaðarnefnd vísar til 7. gr. Fjallskilasamþykktar fyrir Skagafjarðarsýslu nr. 717/2021 þar sem segir "Fjallskilastjórn metur allan fjallskilakostnað upprekstrarfélagsins til peningsverðs og jafnar honum á alla sauðfjár- og stóðhrossaeigendur upprekstrarfélagsins.
Landbúnaðarnefnd ítrekar að fjallskilastjórnir eigi að leggja á fyrir öllum fjallskilakostnaði og þar með til eftirleita. Aukafjárveitingar til fjallskilanefnda vegna eftirleita dragast frá framlagi næsta árs. Bókun fundar Afgreiðsla 7. fundar landbúnaðarnefndar staðfest á 11. fundi sveitarstjórnar 8. mars 2023 með níu atkvæðum. -
Landbúnaðarnefnd - 7 Hofsáin hefur gengið mjög á bakka í landi Hrauns í Unadal síðustu ár. Tæpt var að hún tæki þarna af slóð, sem farin er með fé og vagna niður til Árhólaréttar. Slóðinn er einnig notaður af veiðimönnum. Farið var í bakkavarnir og vegabætur á árinu 2022 og kostað þónokkru til.
Landbúnaðarnefnd samþykkir að leitað verði til Veiðifélags Unadalsár um framlag vegna þessara framkvæmda. Bókun fundar Afgreiðsla 7. fundar landbúnaðarnefndar staðfest á 11. fundi sveitarstjórnar 8. mars 2023 með níu atkvæðum. - .7 2302239 Endurskoðun reglugerðar nr. 65 frá 2001 um útrýmingu á riðuveiki og bætur vegna niðurskurðarLandbúnaðarnefnd - 7 Landbúnaðarnefnd tekur undir eftirfarandi áskorun Fagráðs sauðfjárræktar:
"Fagráð sauðfjárræktar skorar á matvælaráðherra að ljúka endurskoðun reglugerðar 651/2001 um útrýmingu á riðuveiki og bætur vegna niðurskurðar, sem fyrst. Til bráðabirgða er brýnt að setja í núgildandi reglugerð ákvæði sem forða gripum með verndandi arfgerðir frá riðuniðurskurði í takt við nýja þekkingu á mótstöðu einstakra arfgerða gegn riðu.
Nú er staðan sú að inn á sk. "rauð" svæði hafa verið fluttir gripir með verndandi arfgerðir með ærnum tilkostnaði, ásamt því sem hrútar eru nú í notkun á sæðingarstöðvunum sem bera verndandi arfgerðir. Því má gera ráð fyrir að töluverður fjöldi lamba sem hafa umræddar arfgerðir munu fæðast í vor. Eins og gildandi reglugerð lítur út þá skal skera niður allt fé á bæjum þar sem upp kemur riða og gildir þá einu hvaða arfgerðum gripirnir búa yfir. Slíkt yrði tilfinnanlegt tjón fyrir ræktunarstarfið." Bókun fundar Forseti, Sólborg Borgarsdóttir gerir tillögu um að bókun landbúnaðarnefndar verði gerð að bókun sveitarstjórnar, sem er svohljóðandi:
"Fagráð sauðfjárræktar skorar á matvælaráðherra að ljúka endurskoðun reglugerðar 651/2001 um útrýmingu á riðuveiki og bætur vegna niðurskurðar, sem fyrst. Til bráðabirgða er brýnt að setja í núgildandi reglugerð ákvæði sem forða gripum með verndandi arfgerðir frá riðuniðurskurði í takt við nýja þekkingu á mótstöðu einstakra arfgerða gegn riðu.
Nú er staðan sú að inn á svokölluð. "rauð" svæði hafa verið fluttir gripir með verndandi arfgerðir með ærnum tilkostnaði, ásamt því sem hrútar eru nú í notkun á sæðingarstöðvunum sem bera verndandi arfgerðir. Því má gera ráð fyrir að töluverður fjöldi lamba sem hafa umræddar arfgerðir munu fæðast í vor. Eins og gildandi reglugerð lítur út þá skal skera niður allt fé á bæjum þar sem upp kemur riða og gildir þá einu hvaða arfgerðum gripirnir búa yfir. Slíkt yrði tilfinnanlegt tjón fyrir ræktunarstarfið
Samþykkt með níu atkvæðum.
Afgreiðsla 7. fundar landbúnaðarnefndar staðfest á 11. fundi sveitarstjórnar 8. mars 2023 með níu atkvæðum. -
Landbúnaðarnefnd - 7 Kári Gunnarsson umhverfis- og landbúnaðarfulltrúi kynnti fyrir nefndarmönnum þær 11 umsóknir sem senda á til Styrkvegasjóðs Vegagerðarinnar á árinu 2023. Bókun fundar Afgreiðsla 7. fundar landbúnaðarnefndar staðfest á 11. fundi sveitarstjórnar 8. mars 2023 með níu atkvæðum.