Byggðarráð Skagafjarðar - 52
Málsnúmer 2306010F
Vakta málsnúmerSveitarstjórn Skagafjarðar - 15. fundur - 28.06.2023
Fundargerð 52. fundar byggðarráðs frá 14. júní 2023 lögð fram til afgreiðslu á 15. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Enginn kvaddi sér hljóðs.
-
Byggðarráð Skagafjarðar - 52 Lagður fram tölvupóstur dagsettur 7. júní 2023 varðandi fundarboð og gögn vegna aðalfundar Farskólans - miðstöðvar símenntunar árið 2023. Sveitarfélagið þarf að tilnefna einn fulltrúa í stjórn stofnunarinnar og annan til vara.
Byggðarráð samþykkir að tilnefna Kristófer Már Maronsson sem fulltrúa í stjórn Farskólans - miðstöðvar símenntunar og Sigurlaugu Vordísi Eysteinsdóttur til vara. Bókun fundar Afgreiðsla 52. fundar byggðarráðs staðfest á 15. fundi sveitarstjórnar 28. júní 2023 með níu atkvæðum. -
Byggðarráð Skagafjarðar - 52 Lagðir fram tölvupóstar dagsettir 9. og 23. maí 2023 frá SSNV varðandi Ungmennaþing haustið 2023. Á fundi stjórnar SSNV þann 7. febrúar 2023 var samþykkt að halda ungmennaþing á þessu ári og stefnan er að það verði haldið í byrjun október. Markmiðið með ungmennaþinginu er að fá rödd unga fólksins inn í samráðsvettvang sóknaráætlunar. Hugmyndin er að bjóða 4 ungmennum á aldrinum 14-20 ára frá hverju sveitarfélagi til að taka þátt á þinginu.
Byggðarráð samþykkir að sveitarfélagið sendi fulltrúa til þingsins og vísar því til ungmennaráðs sveitarfélagsins að tilnefna fulltrúa á ungmennaþingið. Bókun fundar Afgreiðsla 52. fundar byggðarráðs staðfest á 15. fundi sveitarstjórnar 28. júní 2023 með níu atkvæðum. -
Byggðarráð Skagafjarðar - 52 Lögð fram beiðni nr. 2 um gerð viðauka við fjárhagsáætlun Skagafjarðar vegna ársins 2023. Viðaukinn gerir ráð fyrir hækkun útsvarstekna um 35 mkr. og hækkun á útgjaldaliðum A-hluta um 12.746 þkr. Rekstarniðurstaða A hluta og samstæðu sveitarfélagsins batnar um 22.254 þkr. Í viðaukanum eru millifærslur á milli fjárfestingaverkefna. Nýtt fjármagn til kaupa á sorptunnum 47,5 mkr. Fjármagn vegna fasteigna hækkað um 30 mkr., gatnagerð lækkuð um 101,8 mkr. Fjárfestingaheimild eignasjóðs í heild er lækkuð um 9 mkr. Fjármagn er hækkað til vatnsveituframkvæmda um 7,3mkr., hækkun vegna hitaveituframkvæmda 66 mkr. og lækkun fráveituframkvæmda um 11,3 mkr. Lagt er til að viðaukanum verði mætt með 30.746 þkr. lántöku hitaveitu.
Byggðarráð samþykkir framlagðan viðauka við fjárhagsáætlun 2023 og vísar honum til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins, Viðauki 2 við fjárhagsáætlun 2023, síðar á fundinum. Samþykkt samhljóða.
-
Byggðarráð Skagafjarðar - 52 Rætt um frágang á 70m2 leiksvæði austan við sundlaugina á Sauðárkróki.
Byggðarráð samþykkir að vísa málinu til umsagnar umhverfis- og samgöngunefndar. Bókun fundar Afgreiðsla 52. fundar byggðarráðs staðfest á 15. fundi sveitarstjórnar 28. júní 2023 með níu atkvæðum. -
Byggðarráð Skagafjarðar - 52 Lagður fram tölvupóstur dagsettur 5. júní 2023 frá Bílaklúbbi Skagafjarðar þar sem sótt er um leyfi til að halda rallaksturskeppni í Skagafirði 29. júlí 2023. Keppnin er þriðja keppnin í Íslandsmeistaramóti Akstursíþróttasambands Íslands (AKÍS) og fer fram í samræmi við reglur AKÍS og reglugerð nr. 507/2007 um akstursíþróttir og aksturskeppnir, með áorðnum breytingum. Ráðgert er að keppnin fari fram með hefðbundnu sniði og eknar verði sérleiðir um þá vegi sem verið hefur undanfarin ár. Þannig verði farnar sérleiðir um Mælifellsdal og Vesturdal.
Byggðarráð samþykkir erindið fyrir sitt leyti svo fremi að öll önnur tilskilin leyfi fáist frá hlutaðeigandi aðilum og öllum reglum verði framfylgt. Bókun fundar Afgreiðsla 52. fundar byggðarráðs staðfest á 15. fundi sveitarstjórnar 28. júní 2023 með níu atkvæðum. -
Byggðarráð Skagafjarðar - 52 Lagður fram til kynningar tölvupóstur dagsettur 6. júní 2023, þar sem menningar- og viðskiptaráðuneytið kynnir til samráðs mál nr. 107/2023, "Drög að aðgerðaáætlun í málefnum íslenskrar tungu 2023-2026". Umsagnarfrestur er til og með 10.07.2023. Bókun fundar Afgreiðsla 52. fundar byggðarráðs staðfest á 15. fundi sveitarstjórnar 28. júní 2023 með níu atkvæðum.
-
Byggðarráð Skagafjarðar - 52 Lagt fram til kynningar fundarboð þar sem stjórn Brákar íbúðafélags hses. boðar til ársfundar sem haldinn verður þriðjudaginn 20. júní 2023. Í samræmi við 11. gr. samþykkta Brákar íbúðafélags hses. eru stofnaðilar og fulltrúaráð sérstaklega boðaðir til fundarins en skal hann opinn öllum. Stofnaðilar hafa einir atkvæðisrétt á fundinum en stjórnarmenn, stofnaðilar og fulltrúar í fulltrúaráði eru einir bærir til að leggja til breytingar á samþykktum. Bókun fundar Afgreiðsla 52. fundar byggðarráðs staðfest á 15. fundi sveitarstjórnar 28. júní 2023 með níu atkvæðum.
-
Byggðarráð Skagafjarðar - 52 Lagður fram til kynningar tölvupóstur dagsettur 7. júní 2023 frá Sambandi íslenskra sveitarfélaga varðandi ráðstefnu á vefnum 19. júní um innleiðingu heimsmarkmiðanna í norrænum sveitarfélögum. Norræna byggðastofnunin, Nordregio heldur ráðstefnuna og á veffundi 19. júní nk. frá kl. 11-13 að íslenskum tíma (13-15 CET) er sérstaklega áhugaverður dagskrárliður fyrir íslensk sveitarfélög þar sem hann tekur mið af aðstæðum í fámennum sveitarfélögum.
Hlekkur á viðburðinn, https://nordregio.org/events/from-vision-to-action-agenda-2030-in-rural-municipalities/ Bókun fundar Afgreiðsla 52. fundar byggðarráðs staðfest á 15. fundi sveitarstjórnar 28. júní 2023 með níu atkvæðum. -
Byggðarráð Skagafjarðar - 52 Lagt fram til kynningar bréf dagsett 4. mars 2023 frá forsvarsmönnum umræðuhóps um lausagöngu sauðfjár til stjórnar Sambands íslenskra sveitarfélaga, varðandi athugasemdir við minnisblað sambandsins um réttarstöðu sveitarfélaga vegna ágangs búfjár. Bókun fundar Afgreiðsla 52. fundar byggðarráðs staðfest á 15. fundi sveitarstjórnar 28. júní 2023 með níu atkvæðum.