Fundur með Icelandair - Tækifæri í flugi milli Akureyrar og Keflavíkur

Lagður fram til kynningar tölvupóstur frá Markaðsstofu Norðurlands, dags. 23. júní 2023, þar sem vakin er athygli á fundi sem Markaðsstofan og Icelandair halda um alþjóðatengingu Icelandair frá Akureyrarflugvelli. Fundurinn fer fram á Hótel Kea á Akureyri föstudaginn 30. júní kl. 9:30. Fulltrúum samstarfsfyrirtækja, sveitarstjórnarfulltrúum og fólki sem tengist ferðaþjónustu er boðið á fundinn og markmiðið er að ræða þau tækifæri sem felast í flugi milli Akureyrar og Keflavíkur. Fulltrúar Icelandair munu halda stutta kynningu og að henni lokinni verður opnað á umræður.