Félagsmála- og tómstundanefnd - 18
Málsnúmer 2311010F
Vakta málsnúmerSveitarstjórn Skagafjarðar - 20. fundur - 13.12.2023
Fundargerð 18. fundar félagsmála- og tómstundanefndar frá 16. nóvember 2023 lögð fram til afgreiðslu á 20. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Enginn kvaddi sér hljóðs.
-
Félagsmála- og tómstundanefnd - 18 Íþróttafélagið Molduxar óskar eftir endurgjaldslausum aðgangi að íþróttahúsinu á Sauðárkróki vegna jólamóts félagsins þann 26. desember nk. Nefndin samþykkir erindið. Bókun fundar Afgreiðsla 18. fundar félagsmála- og tómstundanefndar staðfest á 20. fundi sveitarstjórnar 13. desember 2023 með níu atkvæðum.
-
Félagsmála- og tómstundanefnd - 18 Sönghópur félags eldri borgara í Skagafirði sækir um styrk til starfsemi sinnar sem áður kom árlega frá Akrahreppi. Mikill kostnaður er vegna ráðningu söngstjóra og vegna rútukostnaðar þegar farið er í söngferðir utan héraðs.
Nefndin samþykkir að fresta afgreiðslu málsins til næsta fundar. Bókun fundar Afgreiðsla 18. fundar félagsmála- og tómstundanefndar staðfest á 20. fundi sveitarstjórnar 13. desember 2023 með níu atkvæðum. -
Félagsmála- og tómstundanefnd - 18 Drög að Reglum Skagafjarðar um akstursþjónustu við fatlað fólk lagðar fram til kynningar. Reglunar eru settar skv. 29.gr. laga um félagsþjónustu sveitarfélaga nr. 40/1991, með síðari breytingum og lögum um þjónustu við fatlað fólk með langvarandi stuðningsþarfir nr. 38/2018. Einnig er stuðst við leiðbeiningar félagsmálaráðuneytisins fyrir sveitarfélög um akstursþjónustu fyrir fatlað fólk. Félagsmála - og tómstundanefnd felur starfsmönnum að vinna áfram með drögin út frá því sem fram kom á fundinum og leggja fyrir næsta fund nefndarinnar. Bókun fundar Afgreiðsla 18. fundar félagsmála- og tómstundanefndar staðfest á 20. fundi sveitarstjórnar 13. desember 2023 með níu atkvæðum.
-
Félagsmála- og tómstundanefnd - 18 Lagður fram tölvupóstur dagsettur 7. nóvember 2023 þar sem Félags- og vinnumarkaðsráðuneytið kynnir til samráðs mál nr. 226/2023, "Áform um breytingar á lögum um réttindagæslu fyrir fatlað fólk". Til skoðunar er að bæta úr ýmsum atriðum laganna í ljósi fenginnar reynslu af framkvæmd þeirra. Meðal þess sem kemur til skoðunar er að skýra ákvæði um hlutverk og heimildir persónulegra talsmanna. Þá er talin þörf á að skoða ákvæði V. kafla laganna um ráðstafanir til að draga úr nauðung í þjónustu við fatlað fólk, m.t.t. þess hvernig betur megi tryggja réttarvernd þeirra einstaklinga sem þar eiga í hlut. Umsagnarfrestur var til og með 15. nóvember 2023. Bókun fundar Afgreiðsla 18. fundar félagsmála- og tómstundanefndar staðfest á 20. fundi sveitarstjórnar 13. desember 2023 með níu atkvæðum.
-
Félagsmála- og tómstundanefnd - 18 Lagður fram tölvupóstur dagsettur 1. nóvember 2023 þar sem Mennta- og barnamálaráðuneytið kynnir til samráðs mál nr. 215/2023, "Frumvarp til laga um breytingu á barnaverndarlögum nr. 80/2002 (endurgreiðslur)". Frumvarpið felur í sér afmarkaðar breytingar á 15. gr. barnaverndarlaga í því skyni að skýra nánar þær reglur sem gilda um endurgreiðslur ríkissjóðs vegna barnaverndarþjónustu sem er veitt samkvæmt lögunum til barna sem ekki hafa fasta búsetu á Íslandi eða barna sem eru án forsjáraðila sinna og hafa hlotið alþjóðlega vernd eða dvalarleyfi hér á landi.
Umsagnarfrestur var til og með 15. nóvember 2023. Bókun fundar Afgreiðsla 18. fundar félagsmála- og tómstundanefndar staðfest á 20. fundi sveitarstjórnar 13. desember 2023 með níu atkvæðum. -
Félagsmála- og tómstundanefnd - 18 Í ferli er að bjóða út annars vegar akstur á heimsendum mat innan Sauðárkróks og hins vegar akstur í Dagdvöl aldraðra. Samið hefur verið við Consensa ehf um að annast útboðið fyrir hönd Skagafjarðar.
Nefndin samþykkir að starfsmenn vinni áfram að gerð útboðsins. Bókun fundar Afgreiðsla 18. fundar félagsmála- og tómstundanefndar staðfest á 20. fundi sveitarstjórnar 13. desember 2023 með níu atkvæðum. -
Félagsmála- og tómstundanefnd - 18 Starfsmenn fóru yfir stöðu á vinnu við gerð fjárhagsáætlunar fyrir árið 2024 í málaflokki 02 - Félagsþjónusta. Bókun fundar Afgreiðsla 18. fundar félagsmála- og tómstundanefndar staðfest á 20. fundi sveitarstjórnar 13. desember 2023 með níu atkvæðum.
-
Félagsmála- og tómstundanefnd - 18 Starfsmenn fóru yfir stöðu á vinnu við gerð fjárhagsáætlunar fyrir árið 2024 í málaflokki 06 - Æskulýðs- og íþróttamál. Bókun fundar Afgreiðsla 18. fundar félagsmála- og tómstundanefndar staðfest á 20. fundi sveitarstjórnar 13. desember 2023 með níu atkvæðum.
-
Félagsmála- og tómstundanefnd - 18 Lögð fram tvö mál. Fært í trúnaðarbók. Bókun fundar Afgreiðsla 18. fundar félagsmála- og tómstundanefndar staðfest á 20. fundi sveitarstjórnar 13. desember 2023 með níu atkvæðum.