Sólskinsmælingar í Skagafirði

Lagður fram tölvupóstur dagsettur 1. nóvember 2023 frá Magnúsi Jónssyni, veðurfræðingi, varðandi möguleika á að hefja sólskinsmælingar í Skagafirði. Magnús er að leita eftir styrkjum vegna kaupa og uppsetningu viðeigandi tækja hjá aðilum í Skagafirði þar með talið hjá sveitarfélaginu. Rekstur tækjanna verður í umsjá Veðurstofu Íslands.
Byggðarráð samþykkir að fela sveitarstjóra að afla frekari gagna varðandi málið.

Málið áður á dagskrá 69. fundar byggðarráðs þann 8. nóvember 2023. Magnús Jónsson veðurfræðingur óskar eftir styrk vegna kaupa og uppsetningu á sólskinsmæli sem áformað er að setja upp í Skagafirði. Rekstur tækjanna yrði í umsjá Veðurstofu Íslands.
Samkvæmt upplýsingum frá Veðurstofu Íslands eru sólskinsstundamælingar einungis gerðar á fjórum stöðum á landinu í dag, í Reykjavík, á Akureyri, við Mývatn og á Höfn í Hornafirði. Þeir mælar voru kostaðir og eru reknir af Veðurstofu Íslands. Áform um frekari mælingar hafa verið reifaðar en ekki komist til framkvæmda vegna takmarkaðra fjárráða Veðurstofunnar.
Byggðarráð samþykkir að styrkja kaupin að upphæð kr. 300 þúsund gegn mótframlagi annarra aðila sem tilgreindir eru í styrkumsókn. Byggðarráð vísar erindinu til gerðar fjárhagsáætlunar 2024.