Aðalgata 5 - Umsókn um byggingarheimild eða -leyfi.

Hjá byggingarfulltrúa liggur fyrir umsókn frá Sigurði Óla Ólafssyni, f.h. IC2 ehf. Umsókn um leyfi til að breyta aðalinngangi og útliti Sauðárkróksbakarís sem stendur á lóðinni númer 5 við Aðalgötu.
Fyrirhugaðar framkvæmdir samræmast skipulagsáætlunum á svæðinu og framlagðir uppdrættir uppfylla ákvæði laga og reglugerða.
Þar sem umrætt hús er innan verndarsvæðis í byggð óskar byggingarfulltrúi eftir því við sveitastjórn Skagafjarðar að tekin sé afstaða til umsóknarinnar sbr. 6. gr. laga nr. 87/2015 um verndarsvæði í byggð.
Meðfylgjandi:
- Aðaluppdrættir gerðir á Stoð ehf. verkfræðistofu af Sigurði Óla Ólafssyni tæknifræðingi. Uppdrættir í verki 79004401, númer A-100 og A-101, dagsettir 20.11.2024.
- Umsögn Minjastofnunnar Íslands, dagsett 3. desember 2024.

Sveitarstjórn samþykkir með níu atkvæðum að fela byggingarfulltrúa að auglýsa hina fyrirhuguðu framkvæmd og skal auglýsingartími vera tvær vikur. Hafi ábendingar og/eða athugasemdir varðandi fyrirhugaða framkvæmd ekki borist á auglýsingartíma er byggingarfulltrúa falin afgreiðsla málsins.

Sigurður Óli Ólafsson tæknifræðingur sækir f.h. IC2 ehf. um leyfi til að gera breytingar á húsnæði Sauðárkróksbakarís sem stendur á lóðinni nr. 5 við Aðalgötu á Sauðárkróki. Breytingar varða útlit og aðgengi neðri hæðar, aðalinngangur færður á suðurhlið, lúga sett við hlið inngangshurðar og gluggi settur í stað hurðar á austurhlið. Framlagðir aðaluppdrættir gerðir á Stoð ehf. verkfræðistofu af umsækjanda. Uppdrættir í verki 75090200, númer A-100 og A-101, dagsettir 20.11.2024. Fyrir liggur samþykki eiganda efri hæðar með fasteignanúmerið F2131100. Framkvæmdin fellur undir umfangsflokk 1. skv. gr. 1.3.2. í byggingarreglugerð. Byggingaráform samþykkt.