Menningar- og kynningarnefnd

Ingibergur Guðmundsson menningarfulltrúi Norðurlands vestra kom til fundarins og kynnti starfsemi Menningarráðs Norðurlands vestra.

Lögð fram drög að nýrri stofnskrá fyrir Byggðasafn Skagfirðinga. Nefndin samþykkir fyrirliggjandi drög.

Sviðsstjóri lagði fram tillögu um að auglýst verði eftir rekstraraðila fyrir félagsheimilið Ketilás í Fljótum. Tillagan er lögð fram að höfðu samráði við hússtjórn í Ketilási.

Nefndin samþykkir tillöguna og felur sviðsstjóra að auglýsa eftir rekstraraðila.

Farið yfir fjárhagsstöðu menningarliða og rætt um fyrstu drög að fjárhagsáætlun fyrir árið 2011.