Samgöngunefnd

Ár 2002, fimmtudaginn 21. nóv. kl. 08¹⁵, var samgöngunefnd saman komin til fundar í Ráðhúsinu á Sauðárkróki. Á fundinn mætti Gunnar Steingrímsson, hafnarvörður.

Dagskrá fundarins var eftirfarandi: 

1. Snjómokstur á Sauðárkrókshöfn
2. Snjómokstur á vegi 767 - Hólavegi
3. Norðurgarður þekja- lagnir, verklok
4. Rafmagnsheimtaug á Sauðárkrókshöfn
5. Dýpkun
6. Strandvegur
7. Samningar um veghald þjóðvega - Sauðárkrókur og Hofsós fyrir 2003 og 2004.
8. Önnur mál.

Afgreiðslur: 

1. Hafnarvörður kynnti tilboð, sem borist höfðu í snjómokstur á höfninni. Fjögur tilboð bárust: frá Steypustöð Skagafjarðar, Skipaafgreiðslu Kaupf. Skagf., Vinnuvélum Símonar Skarphéðinssonar og Vinnuvélum Sigurbjörns Skarphéðins­sonar.

Nefndin telur tilboð Sigurbjörns, kr. 4.800 m.vsk. á klukkustund hagstæðast og felur hafnarverði að ganga til samninga við hann.

2. Formaður greindi frá viðræðum sínum við samgönguráðherra um aukinn snjómokstur á veginum til Hóla í Hjaltadal.

3. Hallgrímur greindi frá framkvæmdinni við Norðurgarðinn. Verklok hjá G. Þorsteinssyni verktaka voru 11. október. Hallgrími, ásamt Siglingamálastofnun, falið að ganga frá málinu gagnvart verktakanum.

4. Hallgrímur greindi frá að nauðsynlegt sé að leggja nýja rafmagnsheimtaug að höfninni á Sauðárkróki, þar sem núverandi taug flytur ekki nægan straum. Kostnaður við þetta er áætlaður 3,7 millj. króna. Samþykkt að ráðast í verkið.

5. Hallgrímur greindi frá því að dýpkun í Sauðárkrókshöfn, sem frestað var í sumar, verði framkvæmd næsta sumar. Nefndin hvetur til áframhaldandi vinnu við dýpkun hafnarinnar.

6. Rætt um Strandveginn í framhaldi af fimmta lið dagskrár. Ljóst er að sækja þarf um að fá meira fjármagn í veginn á næsta ári þannig að hægt verði að nýta þann sand í uppfyllingu, sem kemur upp úr höfninni við dælingu næsta sumar.

7. Lagður var fram samningur um veghald þjóðvega á Hofsósi og Sauðárkróki árin 2003 og 2004, milli Vegagerðarinnar og Sveitarfélagsins Skagafjarðar.

Samningurinn nær til götulýsingar og vetrarþjónustu.

Hallgrími og sveitarstjóra falið að ganga frá málinu við Vegagerðina.

8. Önnur mál: Hafnarvörður kynnti fyrirhugaða gjaldtöku fyrir vinnu við vigtun afla á Hofsósi, sem áætlað er að taki gildi um áramót. 

Nefndin samþykkti fyrirhugaða gjaldtöku og felur hafnarverði að kynna þetta fyrir hlutaðeigandi aðilum.

 

Fleira ekki fyrir tekið, fundi slitið kl. 10,30.

Brynjar Pálsson                                 

Örn Þórarinsson (ritari)

Valgerður Inga Kjartansdóttir                      

Gunnar S. Steingrímsson      

Hallgrímur Ingólfsson