Skipulags- og byggingarnefnd

 Ár 2002, þriðjudaginn 12. nóvember kl.8⁰⁰ kom Skipulags- og byggingarnefnd saman til fundar í Ráðhúsinu við Skagfirðingabraut á Sauðárkróki.           
Mætt voru:
Bjarni Maronsson, Sigurbjörg Guðmundsdóttir, Gunnar Bragi Sveinsson,
og Jón Örn Berndsen skipulags- og byggingarfulltrúi. 
Dagskrá:
                1.      Skipulagsmál / Skipulagsþing
                2.      Aðalskipulag Skagafjarðar
                3.      Önnur mál. 
Afgreiðslur: 

1. Skipulagsmál / Skipulagsþing – Jón Örn gerði grein fyrir Skipulagsþingi 2002 sem haldið var í Reykjavík 8. og 9. nóvember sl.

2. Aðalskipulag Skagafjarðar – Á fundinn mætti nú Árni Ragnarsson skipulagsarkitekt vegna vinnu við gerð aðalskipulags fyrir Sveitarfélagið. Farið var yfir tímaáætlun og verkferilinn framundan. Þá var farið í 4 kaflann í aðalskipulagstillögunni, kaflan um markmiðin, þau yfirfarin og skoðuð hvert fyrir sig. Staðnæmst var við kafla 4.3.6 um atvinnuvegina og þar verður þráðurinn tekinn upp á næsta fundi.

3. Önnur mál. Gunnar Bragi Sveinsson lagði fram eftirfarandi tillögu. “ Skipulags- og byggingarnefnd samþykkir að fela tæknideild að merkja með viðeigandi hætti göturnar Hásæti og Forsæti.”  Tillagan samþykkt.
   

         Fleira ekki fyrir tekið, fundargerð upplesin og samþykkt.  Fundi slitið kl. 12³⁰   
                                      Jón Örn Berndsen
                                      ritari fundargerðar