Skipulags- og byggingarnefnd

Fyrir fundinum liggur skipulagslýsing vegna fyrirhugaðrar gerðar deiliskipulags fyrir safnasvæði Byggðasafns Skagfrðinga í Glaumbæ, dagsett 15.03.2015 unnin af Hjörleifi Stefánssyni arkitekt. Lýsing skipulagsverkefnisins er unnin í samræmi við 40. grein Skipulagslaga. Skipulags- og bygginnarnefnd samþykkir framlagða skipulagslýsingu og leggur til við sveitarstjórn að lýsingin verði kynnt samkvæmt ákvæðum Skipulagslaga.

Fasteignafélagið Ámundakinn ehf á Blönduósi hefur sótt um lóð fyrir nýbyggingu á sk. Freyjugötureit austan Freyjugötu með aðkomu frá Knarrarstíg. Áform félagsins er að byggja um 1000 m2 skrifstofuhúa á einni hæð. Til þessa fundar kom Jóhannes Torfason frá Ámundakinn ehf til viðæðna við skipulags- og byggingarnefnd vegna umsóknarinnar og um áform félagsins.

Knútur Aadnegard eigandi Skógargötu 1 Sauðárkróki hefur óskað eftir við Skipulags- og byggingarnefnd að fá stækkun á lóð Skógargötu 1. Til þessa fundar kom Knútur Aadnegard til viðæðna við skipulags- og byggingarnefnd vegna umsóknarinnar. Skipulags- og byggingarnefnd samþykkir að skoða lóðarmál á umræddum reit.

Norðurlandsskógar, Valgerður Jónsdóttir framkvæmdastjóri, Norðurlandsskóga sækir um leyfi til nytjaskógræktar á 22,5 ha. svæði í landi jarðarinnar Laugardals. Framlögð gögn dagsett 18. mars 2015. Fyrir liggur samningur um þáttöku í nytjaskógrækt milli Norðurlandsskóga kt. 420500-3510 og B. Pálssonar ehf. kt. 610105-1060 sem er eigandi jarðarinnar Laugardals. Erindinu frestað til næsta fundar.

Afgreiðslufundur byggingarfulltrúa 3. fundur, 24. mars 2015 lagður fram til kynningar.