Skipulags- og byggingarnefnd

Gunnur Björk Hlöðversdóttir kt. 080274-3359 og Stefán Freyr Stefánsson kt. 070574-5869 sækja um lóðina Iðutún 6 fyrir einbýlishús. Samþykkt að úthluta Gunni Björk og Stefáni Frey lóðinni.

Bára Jónsdóttir kt. 140722-3089 og Steinunn Ámundadóttir kt. 160550-3099, þinglýstir eigendur Víðimels lands (landnr. 205350) og Amalía Árnadóttir kt. 290853-3119 og Hafsteinn Harðarson kt. 140354-3929 þinglýstir eigendur Víðimels lóðar (landnr. 205371) óska eftir:

1. Heimild til þess að breyta landamerkjum milli Víðimels lands og Víðimels lóðar.

2.Staðfestingu á landamerkjum Víðimels lands og Víðmels lóðar eftir breytinguna.

Meðfylgjandi hnitsettur afstöðuuppdráttur gerður á Stoð ehf. verkfræðistofu af Braga Þór Haraldssyni gerir grein fyrir erindinu. Númer uppdráttar er S01 í verki nr. 56193-1, dags. 22. febrúar 2017. Erindinu fylgir einnig skýringaruppdráttur nr. S02 í verki nr. 56193-1, dags. 22. febrúar 2017.

Fasteignir á núverandi lóðum munu fylgja þeim lóðum áfram eftir breytinguna. Erindið samþykkt eins og það er fyrir lagt.

Linda Björk Jónsdóttir, Páll Einarsson og Karl Einarsson þinglýstir eigendur jarðarinnar Litlu -Grafar, landnr. 145986, sækja um heimild til að skipta lóð úr landi jarðarinnar, skv. meðfylgjandi hnitsettum afstöðuuppdrætti, gerðum á Stoð ehf. verkfræðistofu af Atla Gunnari Arnórssyni. Númer uppdráttar er S-101 í verki nr. 7705-04, dags. 24. febrúar 2017.

Í umsókn kemur fram að lögbýlaréttur og öll hlunnindi munu tilheyra Litlu-Gröf, landnr. 145986. Jafnframt er óskað heimildar til þess að leysa hina nýstofnuðu lóð úr landbúnaðarnotum. Erindið samþykkt eins og það er fyrir lagt.

Íbúðarhús með fastanúmer 214-0202, merking 15 0101 mun tilheyra lóðinni.

Svavar Jónsson kt. 110931-2049 sækir, fh eiganda Ránarstígs 6, um heimild til að breyta tímabundið notkun bílgeymslu á lóðinni í íbúðarrými.Skipulags- og byggingarnefnd samþykkir breytta notkun. Áskilið er að aðaluppdrætti verði skilað inn til byggingarfulltrúa til afgreiðslu.

Pálmi Jónsson kt. 200980-5149 og María Eymundsdóttir kt. 040684-2209 þinglýstir eigendur Huldulands, (landnr. 223299) sækja um leyfi til að stofna byggingarreit á landinu. Þar er fyrirhugað að byggja íbúðarhús og vélageymslu. Staðsetning byggingarreits er sýnd á meðfylgjandi afstöðuuppdrætti gerðum af Stoð ehf. verkfræðistofu af Braga Þór Haraldssyni. Númer uppdráttar er S01 í verki nr. 7173 dags. 2. febrúar 2017. Fyrir liggja umsagnir hlutaðeigandi umsagnaraðila. Erindið samþykkt.

Í samræmi við 2.mgr. 30.gr skipulagslaga nr. 123/2010 er óskað er eftir umsögn, athugasemdum eða ábendingum Sveitarfélagsins Skagafjarðar við meðfylgjandi skipulagstillögu varðandi breytingu á Aðalskipulagi Fjallabyggðar 2008-2028.

Breytingin felst í að hafnarsvæði á Siglufirði er lagað að núverandi hafnarbakka. Afmörkun hafnarsvæðis nær nú í sjó fram. Innan þess er bæði sjór og land. Þannig er gefið svigrúm fyrir minniháttar breytingar innan hafnarsvæðis, t.d. lengingu hafnargarðs eða breikkun sjóvarna, sem annað hvort verða skilgreindar í deiliskipulagi eða með framkvæmdaleyfi. Núverandi landfylling er færð inn á uppdrátt en einnig er gert ráð fyrir aukinni landfyllingu norðan hennar. Fyrirhuguð landfylling stækkar úr 0,7 ha í 0,8 ha. Hafnarsvæði á landi stækkar úr 2,3 ha í 3,1 ha. Afmarkað er nýtt athafnasvæði sem er 0,7 ha. Skipulags- og byggingarnefnd gerir ekki athugasemd við framlagða skipulagstillögu og vísar erindinu til sveitarstjórnar til afgreiðslu.

Á 351. fundi sveitarstjórnar 15. febrúar 2017 var samþykkt að hefja þurfi vinnu við breytingu á aðalskipulagi Sveitarfélagsins Skagafjarðar 2009-2021. Þörf sé á að gera ákveðnar breytingar á aðalskipulaginu, s.s. fella út urðunarsvæði og vinna breytingar vegna legu Sauðárkrókslínu frá Varmahlíð til Sauðárkróks. Einnig þarf að vinna að framlengingu á frestaðri landnotkun virkjunarkosta og taka inn í skipulagsvinnuna ákvörðun um legu byggðarlínunnar um Skagafjörð.

Í samræmi við samþykkt sveitarstjórnar liggur fyrir verk- og matslýsing vegna breytinga á Aðalskipulagi Sveitarfélagsins Skagafjarðar 2009-2021, dagsett í mars 2017 unnin af VSÓ ráðgjöf fyrir sveitarfélagið.

Alls verður gerð tillaga að 6 breytingum sem eru:

A) Val á legu Blöndulínu 3

Tekin verður ákvörðun um legu Blöndulínu 3, 220 kV háspennulínu sem liggur frá Blöndustöð til Akureyrar. Ákvörðun um legu hennar innan sveitarfélagsins var frestað í Aðalskipulagi Sveitarfélagsins Skagafjarðar 2009-2021.

B) Sauðárkrókslína 2

Gerð verður tillaga að legu Sauðárkrókslínu 2, sem er 66 kV jarðstrengur sem muni liggja á milli Varmahlíðar og Sauðárkróks.

C) Virkjanakostir í Skagafirði

Tekin verður ákvörðun um landnotkun vegna Villinganesvirkjunar og Skatastaðavirkjunar í aðalskipulag. Skipulagi virkjananna var frestað í Aðalskipulagi Sveitarfélagsins Skagafjarðar 2009-2021 og gildir sú ákvörðun í fjögur ár.

D) Urðunarsvæði í Viðvíkursveit fellt út

Ætlunin er að fella urðunarsvæði í Viðvíkursveit út í skipulagi og skilgreina það sem opið svæði til sérstakra nota.

E) Nýtt tengivirki og rafstrengur á Sauðárkróki

Gerð verður tillaga að staðsetningu fyrir nýtt tengivirki innan athafnasvæðis A-3.3 og legu rafstrengs frá tengivirki við Kvistahlíð að nýju tengivirki. Einnig verður landnotkun á lóð tengivirkisins við Kvistahlíð breytt í opið svæði.

F) Ný efnistökusvæði

Skoðaðir verða 12 námukostir sem koma til greina að bæta við í aðalskipulag Sveitarfélagsins Skagafjarðar til að bregðast við efnisþörf sem kemur til vegna styrkingar raforkukerfisins í sveitarfélaginu.



Skipulags- og byggingarnefnd samþykkir framangreinda verkefnislýsingu með lagfæringum á liðum B og E og leggur til við sveitarstjórn að lýsingin verði auglýst og kynnt í samkvæmt 1 mgr. 30. greinar skipulagslaga nr. 123/2010.

Valdimar óskar bókað að Vinstri grænir og óháðir vilji að virkjanakostir, Villinganes og Skatastaðir verði felldir út úr Aðalskipulagi Skagafjarðar.

Undir þessum lið sat Stefán Thors frá VSÓ fundinn.