Skipulags- og byggingarnefnd

Vinnslutillaga að aðalskipulagsbreytingu.
Í samræmi við lýsingu verkefnis hefur verið unnið að drögum að aðalskipulagsbreytingu. Drögin eru sett fram sem skipulagsuppdráttur, greinargerð og umhverfisskýrsla. Drögin gera grein fyrir 6 breytingartillögum sem snúa að: (A) Legu Blöndulínu 3, (B) Sauðárkrókslínu 2, (C) Frestun skipulags vegna virkjunarkosta, (D) urðunarsvæði við Brimnes er fellt úr skipulagi, (E) nýju tengivirki og jarðstrengjum í þéttbýli Sauðárkróks og (F) nýjum efnistökusvæðum. Varðandi breytingartillögu A um legu Blöndulínu eru þrír valkostir til skoðunar ásamt núllkosti.
Í samræmi við 2. mgr. 30. gr. skipulagslaga 123/2010 telur skipulags- og byggingarnefnd mikilvægt að kynna forsendur, tillögur að valkostum og umhverfismat fyrir íbúum og öðrum hagsmunaaðilum áður en tekin er afstaða til tillagna um breytingar og valkosti fyrir Blöndulínu 3.
Skipulags- og byggingarnefnd leggur til við sveitarstjórn að vinnslutillaga að aðalskipulagi verði kynnt í samræmi við 2. mgr. 30. gr. skipulagslaga eftir að skipulagsráðgjafi hafi uppfært vinnslutillögu eftir ábendingar skipulagsnefndar.

Steinunn Ámundadóttir kt. 160550-3099, þinglýstur eigandi Víðimels í Skagafirði (landnr. 146083) óskar eftir heimild skipulags- og byggingarnefndar til að skipta spildu úr landi jarðarinnar, skv. meðfylgjandi hnitsettum afstöðuuppdrætti, gerðum á Stoð ehf. verkfræðistofu af Atla Gunnari Arnórssyni. Númer uppdráttar eru S-101 í verki 7806-01, dags. 5. janúar 2018.
Erindið er lagt fyrir í tveimur hlutum:
í fyrsta lagi er sótt um að skipta lóð úr landi jarðarinnar sunnan Hringvegar (1) og vestan Skagafjarðarvegar (752), lóðin er merkt Víðimelur, Suðurtún á meðfylgjandi uppdráttum og er óskað eftir það verði heiti lóðarinnar. Stærð lóðar 168.240 m2. í örðu lagi er óskað eftir að lóðin verði leyst úr landbúnaðarnotum.
Tekið er fram í umsókn að lögbýlaréttur mun áfram tilheyra Víðimel (landnr. 146083) eftir ofangreindar breytingar. Erindið samþykkt eins og það er fyrir lagt.

Örn Fransson forstöðumaður framkvæmdadeildar OLIS sækir fh. OLIS um tímabundin afnot af lóðinni Borgarflöt 31 á Sauðárkróki. Fyrirhuguð notkun er eldsneytissala. Samþykkt að heimila Olís tímabundin afnot af lóðinni, til 1. september 2018.

Atli M. Traustason, Ingibjörg Klara Helgadóttir, Ingibjörg Aadnegard og Trausti Kristjánsson sækja f.h. þinglýsts eiganda Syðri-Hofdala, landnr. 146421, eftir heimild til þess að stofna byggingarreit í landi jarðarinnar, skv. meðfylgjandi afstöðuuppdrætti, sem gerður er á Stoð ehf. verkfræðistofu af Atla Gunnari Arnórssyni, dags. 5. janúar 2017. Númer uppdráttar er S-101 í verki nr. 7213-4.
Erindið samþykkt að fenginni jákvæðri umsögn minjavarðar.

Ólafur E. Friðriksson kt 030957-4749 óskar, fh Sýls ehf. kt. 470716-0450 Borgarröst 8 Sauðárkróki, eftir heimild til að láta vinna deiliskipulag fyrir lóðina Freyjugata 25 á Sauðárkróki. Meðfylgjandi umsókn er skipulagslýsing dagsett 14. janúar 2018 unnin af Bjarna Reykjalín arkitekt og byggingartæknifræðingi fyrir umsækjanda.
Skipulags- og byggingarnefnd samþykkir ofangreinda skipulagslýsingu og leggur til við sveitarstjórn að heimila landeiganda að vinna deiliskipulagstillögu.

Tekin fyri umsókn OLIS hf um eldsneytisafgreiðslustöð á lóðinni Ártorg 1 á Sauðárkróki. Fyrir liggur samþykki lóðarhafa að Ártorgi 1. Skipulags- og byggingarnefnd hafnar erindinu. Skipulag- og byggingarnefnd bendir á að laus er til umsóknar lóðin Borgarflöt 31 fyrir þess konar starfsemi.