Skipulags- og byggingarnefnd

Skagfirðingabraut 17-21. Umsókn um byggingarleyfi. Guðmundur Guðlaugsson sveitarstjóri sækir með bréfi dagsettu 12.12.08, f.h eigenda húseignarinnar sem stendur á lóðinni nr. 17-21 við Skagfirðingabraut um leyfi til að breyta innangerð byggingarinnar. Breytingin felst í að setja upp- og fjarlægja skilveggi í skrifstofum, stækka eldhús, og breyta fundarherbergjum ásamt því að breyta aðgangskerfi aðalhurða. Erindinu fylgja uppdrættir sem sýna fyrirhugaðar breytingar. Uppdrættirnir eru gerðir á Tæknideild Sveitafélagsins af Guðmundi Þór Guðmundssyni byggingarfræðing og eru þeir dagsettir 04.09.2008. Í dag liggja fyrir umsagnir Brunavarna dags. 2.12.08 og Vinnueftirlit dagsett 11.12.08. Erindið samþykkt.

Sauðárkrókshöfn, umsókn um lóð við Suðurgarð. Ásmundur Jósef Pálmason kt. 300765-5649 og Rita Didriksen kt. 101062-4309, sækja með bréfi dagsettu 3.12.08, um á fá úthlutað lóð við Sauðárkrókshöfn, nánar tiltekið við Suðurgarð þar sem þau fyrirhuga að koma upp veitingasölu. Einnig óska þau eftir stöðuleyfi fyrir söluvagn á lóðinni. Þar sem hafnarsvæði Sauðárkróks er í skipulagslegri meðferð frestar nefndin afgreiðslu málsins og vísar erindinu til gerðar deiliskipulags.

Ráðhúsreitur. Deiliskipulagstillaga Bjarna Reykjalín arkitekts, kt. 070149-3469 dagsett 10.12.2008, lögð fram til kynningar.

Skógrækt ríkisins, bréf Skógræktar ríkisins dagsett 10.12.2008 varðandi skógrækt í skipulagsáætlunum lagt fram til kynningar.

Varmahlíðarskóli – umsókn um byggingarleyfi, v/fjarskiptabúnaðar. Karl Jónsson verkefnastjóri F.h. Gagnaveitu Skagafjarðar, sækir með bréfi dagsettu 17.12.08, um leyfi fyrir uppsetningu á aðstöðu fyrir dreifistöð Gagnaveitunnar sem inniheldur tækjabúnað sem þjóna á dreifbýli Skagafjarðar bæði örbylgjukerfinu og ljósleiðarakerfinu sem fyrirhugað er að koma upp í Akrahreppi á næsta ári. Erindinu fylgja uppdrættir sem sýna fyrirhugaðar breytingar á húsnæði skólans. Uppdrættirnir eru gerðir á Tæknideild Sveitafélagsins af Guðmundi Þór Guðmundssyni byggingarfræðing og eru þeir dagsettir 16.12.2008. Einnig fylgir erindinu leigusamningur dagsettur 1.12.2008. Erindið samþykkt með fyrirvara um samþykki eignarsjóðs.

Aðalskipulag Sveitarfélagsins Skagafjarðar. Skipulags- og byggingarnefnd samþykkir að óska eftir við Sveitarstjórn að 5. tillaga að Aðalskipulagi Sveitarfélagsins Skagafjarðar verði send Skipulagsstofnun með ósk um heimild til að auglýsa Skipulagstillöguna samkvæmt skipulags- og byggingarlögum. Gildistími skipulagstillgunar verði 2009-2021.