Veitunefnd Svf Skagafjarðar

Þórður Karl Gunnarsson og Björn Magnús Árnason frá Verkfræðistofunni Stoð ehf. kynntu fyrir fundarmönnum vinnu við uppbyggingu á Kortasjá Skagafjarðar ásamt framtíðarmöguleikum varðandi kortasjána.

Lögð var fram til kynningar fundargerð aðalfundar samtaka sveitarfélaga á köldum svæðum fyrir árið 2015.

Lagt var fram til kynningar minnisblað frá Eiríki S. Svavarssyni, lögfræðingi, vegna hitaveituréttinda í Reykjarhól.
Í minnisblaðinu er farið yfir möguleg úrræði Skagafjarðarveitna til að tryggja hitaveituréttindi í Reykjarhól.
Sviðstjóra falið að vinna áfram að úttekt á jarðhitaréttindum Skagafjarðarveitna almennt samkvæmt samþykkt sveitarstjórnar frá 12. febrúar 2014.

Mánudaginn 26. október sl. var heitu vatni hleypt á stofnlögn í Fljótum, frá dælustöð í landi Langhúsa og að dælustöð við Molastaði, samtals um 8km leið. Á næstu dögum er stefnt að áhleypingu á stofnlögn frá Molastöðum og að Hvammi og í framhaldi frá Hvammi að Deplum og Þrasastöðum. Verktaki vinnur þessa dagana að lagningu heimæða.

Frestað til næsta fundar.