Ábending til hunda- og kattaeigenda

Sveitarfélagið Skagafjörður vill vekja athygli á því að varptími fugla er hafinn og biður hunda- og kattaeigendur að taka tillit til þess. Þeim tilmælum er beint til kattaeigenda að halda köttum sínum innandyra á nóttunni og hengja bjöllur á hálsólar þeirra. Kettir eru öflug dýr sem geta haft neikvæð áhrif á stofn fugla sem verpa í nágrenni við mannabústaði ár hvert og því er mikilvægt að kattaeigendur fylgist með köttum sínum yfir varptíma fugla og á meðan ungar eru að verða fleygir.

Hundaeigendur eru beðnir um að sleppa ekki hundum sínum lausum á varpsvæðum.

Áhugasömum er bent á að kynna sér samþykkt um hunda- og kattahald í Sveitarfélaginu Skagafirði sem finna má hér.