Álagning fasteignagjalda í Skagafirði árið 2023
Álagningar - breytingar - innheimta
Þess er óskað að ábendingar um breytingar og leiðréttingar á álagningu eða innheimtu berist til sveitarfélagsins eftir einhverri eftirtalinna leiða; í gegnum Íbúagáttina, símleiðis í síma 455 6000 eða með tölvupósti á netfangið innheimta@skagafjordur.is.
Álagningarseðlar
Álagningarseðlar fasteignagjalda verða ekki sendir bréfleiðis nema þess sé óskað. Vinsamlegast sækið um það fyrir 13. janúar 2023.
Allir gjaldendur, lögaðilar og einstaklingar, geta nálgast rafræna útgáfu álagningarseðilsins í Íbúagáttinni og á vefsíðu island.is undir "Mínar síður".
Gjalddagar
Gjalddagar fasteignagjaldanna verða tíu frá 1. febrúar til og með 1. nóvember 2023. Hægt er að fá að greiða öll gjöldin á einum gjalddaga 1. maí 2023 eða fyrr séu þau jöfn eða umfram 28.000 kr. Sækja verður um það fyrir 13. janúar 2023.
Greiðslumátar
- Beingreiðslur
Innheimtur greiddar með beingreiðslum af bankareikningum greiðenda. Vinsamlegast hafið samband við þjónustufulltrúa í viðkomandi banka til að virkja þennan kost.
- Boðgreiðslur
Tilkynna þarf til sveitarfélagsins ef óskað er eftir að greiða fasteignagjöld með kreditkorti. Þetta á einungis við þá sem eru í fyrsta sinn að óska eftir þessum greiðslumáta fasteignagjalda. Óska þarf eftir breytingu á greiðslumáta fyrir 13. janúar 2023.
- Greiðsluseðlar í tölvupósti
Greiðlsuseðill sendur í tölvupósti. Sendið tölvupóst á netfangið innheimta@skagafjordur.is fyrir 13. janúar 2023 ef óskað er eftir að fá þennan kost virkjaðan.
- Greiðsluseðlar
Innheimtur greiddar með heimsendum greiðsluseðlum. Hvatt er til þess að aðrir greiðslukostir séu notaðir.
Elli- og örorkulífeyrisþegar
Lækkun fasteignaskatts á íbúðum tekjulágra elli- og örorkulífeyrisþega eru reiknuð við álagningu til bráðabirgða og er stuðst við tekjur samkvæmt skattframtölum 2022 vegna tekna ársins 2021. Endanlegur útreikningur fer fram þegar álagningu 2023, vegna tekna ársins 2022 er lokið. Afsláttur er hlutfallslegur að teknu tilliti til allra skattskyldra tekna skv. skattframtali 2023. Ekki er þörf á að sækja um þennan afslátt.
Frekari upplýsingar
Frekari upplýsingar eru veittar á heimasíðu Skagafjarðar www.skagafjordur.is. Einnig er hægt að senda fyrirspurn á netfangið innheimta@skagafjordur.is eða hringja í síma 455 6000.
Sauðárkróki 4. janúar 2023, sveitarstjóri.