Auglýsing um skipulagsmál - Frístundabyggð við Varmahlíð og Ljónsstaðir
Tillaga að deiliskipulagi – Ljónsstaðir
Sveitarstjórn Skagafjarðar samþykkti á 15. fundi sínum þann 28. júní 2023 að auglýsa tillögu að deiliskipulagi fyrir Ljónsstaði úr landi Dúks í Skagafirði skv. 1. mgr. 41. gr. skipulagslaga nr. 123/2010. Tillagan er sett fram á uppdrætti með greinargerð dags. 7. júní 2023 og er unnin af teiknistofunni Storð fyrir hönd landeigenda. Skipulagssvæðið er 5 ha að stærð í landi Ljónsstaða, landnúmer L230903. Í skipulaginu eru skilgreindar vegtengingar og byggingarreitir fyrir íbúðarhús, skemmu og tvö frístundahús.
Tillaga að deiliskipulagi – Frístundabyggð við Varmahlíð
Sveitarstjórn Skagafjarðar samþykkti á 15. fundi sínum þann 28. júní 2023 að auglýsa tillögu að deiliskipulagi fyrir frístundabyggð við Varmahlíð skv. 1. mgr. 41. gr. Skipulagssvæðið er 27,8 ha og liggur milli Víðimýrarár og Reykjarhóls. Í tillögunni er gert ráð fyrir 26 nýjum frístundalóðum í nýjum götum A og B. Settir eru fram byggingarskilmálar fyrir núverandi og nýjar lóðir. Í Aðalskipulagi Skagafjarðar 2022-2035 er svæðið skilgreint sem frístundabyggð.
Samhliða auglýsingu á tillögu að deiliskipulagi frístundabyggðar við Varmahlíð verður óskað eftir tillögum frá íbúum um heiti á nýjum götum A og B sem skilgreindar eru í skipulaginu. Auglýsing varðandi nafnasamkeppnina verður birt sér á heimasíðu Skagafjarðar.
Tillögurnar eru auglýstar frá 5. júlí til og með 16. ágúst 2023.
Tillögurnar munu liggja frammi til kynningar á skrifstofu skipulagsfulltrúa, Skagfirðingabraut 17-21, Sauðárkróki á skrifstofutíma frá 10-12 og 12:30-15 og hér á heimasíðu Skagafjarðar. Hér eftir verður einnig hægt að skoða skipulagsmál í Skagafirði á nýrri skipulagsgátt Skipulagsstofnunar á www.skipulagsgatt.is. Þar er jafnframt hægt að senda inn athugasemdir og ábendingar meðan á kynningartíma stendur. Hægt er að leita eftir málsnúmer fyrir Ljónsstaði (294/2023) og frístundabyggð í Varmahlíð (295/2023).
Athugasemdir og ábendingar varðandi skipulagstillögurnar skulu vera skriflegar og berast skipulagsfulltrúa eða afgreiðslu ráðhússins, Skagfirðingabraut 17-21, 550 Sauðárkróki eða á netfangið skipulagsfulltrui@skagafjordur.is í síðasta lagi 16. ágúst 2023.
Ljónsstaðir - Tillaga að deiliskipulagi
Frístundabyggð við Varmahlíð - Tillaga að deiliskipulagi
Frístundabyggð við Varmahlíð - Greinargerð, tillaga