Framkvæmdasjóður ferðamannastaða auglýsir eftir umsóknum

Opnað hefur verið verið fyrir umsóknir um styrki úr Framkvæmdasjóði ferðamannastaða vegna framkvæmda á árinu 2023. Umsóknarfrestur er til kl. 13 miðvikudaginn 5. október.

Framkvæmdasjóður ferðamannastaða fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.

Sjóðnum er heimilt að fjármagna framkvæmdir er snúa að:

• Öryggi ferðamanna.
• Náttúruvernd og uppbyggingu.
• Viðhaldi og verndun mannvirkja og náttúru.
• Fjármögnun undirbúnings- og hönnunarvinnu sem er nauðsynleg vegna áðurgreindra framkvæmda.

Hins vegar er sjóðnum m.a. ekki heimilt:

• Að bera rekstrarkostnað af mannvirkjum og vegna náttúruverndarsvæða eða annarra ferðamannastaða.
• Að fjármagna framkvæmdir sem eru á landsáætlun um uppbyggingu innviða til verndar náttúru og menningarsögulegum minjum.
• Að veita fjármagni til verkefna sem þegar er lokið.

Umsóknum skal skilað rafrænt í gegnum island.is.

Nánari upplýsingar er að finna á upplýsingasíðu Ferðamálastofu.

Áhugasömum aðilum í Skagafirði er velkomið að hafa samband við Hebu Guðmundsdóttur, verkefnastjóra, á netfangið heba@skagafjordur.is eða í síma 455 6017. Þá býðst einnig aðstoð við gerð umsókna hjá verkefnastjórum SSNV.