Gestakomur í sundlaugar sveitarfélagsins

Nú þegar framkvæmdir við Sundlaug Sauðárkróks standa sem hæst og margir bíða óþreyjufullir eftir að þeim ljúki er gaman að velta því fyrir sér hve margir sækja sundlaugarnar okkar á ári hverju.

Sund er holl og góð íþrótt og heilsubætandi dægradvöl sem hentar öllum aldurshópum. Sífellt færist í aukana að fólk, bæði Íslendingar og erlendir gestir okkar heimsæki sundlaugar hringinn í kringum landið og Skagafjörður er engin undantekning í því tilliti.

Hér fyrir neðan má sjá hvernig gestakomum í sundlaugar sveitarfélagsins hefur fjölgað jafnt og þétt frá árinu 2011, sérstaklega á milli áranna 2015 og 2016.

Þess má geta að teikningar að Sundlaug Sauðárkróks hanga uppi í anddyri laugarinnar og er fólk hvatt til að kíkja á þær og láta sig hlakka til.