Góð aðsókn í Hús frítímans

Hús frítímans á Sauðárkróki var opnað eftir breytingar í október síðastliðnum og hefur aðsókn í húsið verið góð það sem af er þessu ári. Á heimasíðu hússins segir að allir aldurshópar séu að nýta sér húsnæðið á einn eða annan hátt.

Frá janúar og út mars hafa um það bil 4.000 gestir komið í Hús frítímans en til samanburðar voru rúmlega 3.300 gestir árið 2015. 
Heimsóknir eldri borgara eru yfir 1.100 talsins og ungmenna í 4.-10. bekk, sem sækja skipulagt starf á vegum hússins, um 1.700. 
Frekar rólegt hefur verið í afmælishaldi í húsinu eftir framkvæmdirnar en þó hafa rúmlega 300 gestir komið í afmæli frá byrjun janúar. 
Aðrir hópar, fundir og ráðstefnur telja tæplega 900 heimsóknir. 

Inn í þessum tölum er ekki sá fjöldi sem mætir á fundi á efri hæðina sem var nýlega tekin í notkun.

Starfsfólk Húss frítímans er mjög ánægt með góða aðsókn.