Grunnskólinn austan Vatna auglýsir eftir náms- og starfsráðgjafa

 Grunnskólinn austan Vatna auglýsir eftir náms- og starfsráðgjafa

Upphaf starfs: 1. ágúst 2017.

Starfshlutfall: 20% starfshlutfall.

Lýsing á starfi: Í starfinu felst að veita nemendum náms- og starfsráðgjöf samkvæmt gildandi lögum um grunnskóla.

Menntunarkröfur: Umsækjandi þarf að hafa menntun sem náms- og starfsráðgjafi.

Hæfniskröfur: Leitað er eftir einstaklingi með faglegan metnað, hæfni í mannlegum samskiptum, reynslu og áhuga á að starfa með börnum.

Launakjör: Laun og önnur starfskjör eru samkvæmt kjarasamningi Sambands íslenskra sveitarfélaga við KÍ vegna FG.

Umsóknarfrestur er til og með 3. júlí 2017

Nánari upplýsingar: Jóhann Bjarnason, skólastjóri, í síma 865-5044, johann@gsh.is.

Umsóknir: Umsókn ásamt ferilskrá, prófskírteini og leyfisbréfi skal skilað í gegnum íbúagátt sveitarfélagsins eða í gegnum heimasíðu sveitarfélagsins, www.skagafjordur.is (laus störf). Öllum umsóknum verður svarað þegar ákvörðun um ráðningu liggur fyrir.

Grunnskólinn austan Vatna kennir á þremur starfsstöðum; Hofsósi Hólum og Sólgörðum. Þær voru sameinaðar í eina stofnun 1. ágúst 2007. Á Hólum og Sólgörðum eru nemendur í 1. – 7. bekk. Á Hofsósi eru nemendur frá 1. – 10. bekk, en starfsstöð þar er jafnframt safnskóli fyrir aðrar starfsstöðvar frá 8. – 10. bekk. Veturinn 2016-2017 voru 73 nemendur skráðir í skólann. Þar af eru 48 nemendur á Hofsósi, 18 nemendur á Hólum og 7 nemendur á Sólgörðum. Skólinn hefur um nokkurt skeið lagt áherslu á kennslu og vinnu með nýsköpun og eflingu heimabyggðar. Hann er grænfánaskóli og nú nýverið líka heilsueflandi grunnskóli.