Starf sálfræðings er laust til umsóknar

Starf sálfræðings er laust til umsóknar

Fjölskylduþjónusta Skagfirðinga óskar eftir að ráða sálfræðing til starfa. Starfið er hvort tveggja á sviði skólaþjónustu og félagsþjónustu. Til greina gæti komið að gera samning við sjálfstætt starfandi sálfræðing.

Menntunar- og hæfniskröfur:

• Löggilding til að starfa sem sálfræðingur.
• Þekking á þroska og þroskafrávikum barna.
• Reynsla af sálfræðilegri greiningu og ráðgjöf vegna barna.
• Þekking og reynsla af ráðgjöf í barnaverndar- og fjölskyldumálum.
• Leikni í mannlegum samskiptum.
• Skipulagshæfileikar, sjálfstæði og frumkvæði.
• Reynsla af starfi skólasálfræðings er æskileg.

Fjölskylduþjónusta Skagfirðinga hefur á að skipa vel menntuðu fagfólki, félagsráðgjöfum, uppeldis- og sálfræðiráðgjafa, þroskaþjálfum, sérkennurum, kennsluráðgjöfum, námsráðgjafa og talmeinafræðingi.
Áhersla er lögð á heildstæða og samþætta þjónustu, þverfagleg vinnubrögð og samvinnu þjónustustofnana. Nú vantar okkur sálfræðing í teymið en löng hefð er fyrir vinnu sálfræðings í samstarfshópnum.

Helstu verkefni sálfræðings:

• Sálfræðilegar athuganir og greiningar á börnum.
• Ráðgjöf við foreldra og starfsmenn leik- og grunnskóla.
• Þverfaglegt starf í skóla, félagsþjónustu, barnavernd o.fl.

Starfið hentar jafnt konum sem körlum. Laun og önnur starfskjör eru samkvæmt kjarasamningi Sambands íslenskra sveitarfélaga og Sálfræðingafélags Íslands.

Umsóknarfrestur er til og með 31. maí 2015

Nánari upplýsingar um starfið gefur sviðsstjóri fjölskyldusviðs, Herdís Á Sæmundardóttir í síma 455-6088 eða með því að senda fyrirspurn á netfangið has@skagafjordur.is.

Umsóknum sem greina frá menntun og fyrri störfum skal skila í gegnum heimasíðu sveitarfélagsins www.skagafjordur.is (störf í boði) eða í gegnum íbúagátt sveitarfélagsins. Öllum umsóknum verður svarað og umsækjendum tilkynnt um ráðstöfun starfsins þegar ákvörðun um ráðningu hefur verið tekin.