Atvinnu-, menningar- og kynningarnefnd Svf Skagafjarðar

Séra Gísli Gunnarsson sóknarprestur í Glaumbæ kom til fundar við nefndina og reifaði sjónarmið kirkju og sóknarnefndar varðandi framtíð Glaumbæjarstaðar. Nefndin mun vinna að málinu áfram í samráði við hlutaðeigandi aðila.

Tekin fyrir styrkbeiðni frá forsvarsmönnum héraðshátíðarinnar Lummudaga 2015. Sótt er um styrk að upphæð kr. 150.000,- til að standa straum af ýmsum kostnaði sem til fellur vegna hátíðarhaldanna. Samþykkt að veita kr. 150.000,- til hátíðarinnar árið 2015 og verður upphæðin tekin af lið 13890.

Tekin fyrir styrkbeiðni frá Sóleyju Björk Guðmundsdóttur fyrir hönd verkefnisins Lifandi landslags sem er smáforrit og heimasíða þar sem m.a. eru kynntar skagfirskar þjóðsögur og sagnir. Sótt er um styrk vegna kynningar á verkefninu. Samþykkt að veita kr. 250.000,- til þess og verður upphæðin tekin af lið 13890.