Atvinnu-, menningar- og kynningarnefnd Svf Skagafjarðar

Undir þessum lið komu Margrét Hallgrímsdóttir þjóðminjavörður og Sigríður Sigurðardóttir safnstjóri Byggðasafns Skagfirðinga til fundarins. Rætt var um framtíðarfyrirkomulag rekstrar safnsvæðisins í Glaumbæ og gerð nýs samnings þar að lútandi en þar er lykilatriði að samkomulagi um deiliskipulag fyrir svæðið verði náð hið fyrsta.

Drög að reglugerð um rekstur héraðsskjalasafns dagsett 8. maí sl. voru kynnt fyrir héraðsskjalavörðum og fulltrúum sveitarfélaga á fundi hjá Þjóðskjalasafni Íslands þann 15. maí 2017. Hjá Sveitarfélaginu Skagafirði var sviðsstjóra Stjórnsýslu- og fjármálasviðs ásamt héraðsskjalaverði falið að koma með tillögu að athugasemdum fyrir hönd Atvinnu-, menningar- og kynningarnefnd. Tillagan var kynnt og samþykkt í nefndinni.

Til fundarins kom Sólborg Una Pálsdóttir héraðsskjalavörður sem kynnti ársskýrslu Héraðsskjalsafns Skagfirðinga fyrir árið 2016.

Lagt fram bréf, dagsett 29. maí 2017, frá Kristjáni Jónssyni fyrir hönd Jónsmessuhátíðarnefndar á Hofsósi. Í bréfinu er óskað eftir 500.000 kr. styrk til að halda hátíðina og endurgjaldslausum afnotum af áhaldahúsi og bifreið sveitarfélagsins á Hofsósi á meðan hátíðinni stendur.

Atvinnu-, menningar- og kynningarnefnd samþykkir að veita 300.000 kr. styrk til hátíðarinnar, auk afnota af bifreið og áhaldahúsi á Hofsósi. Kostnaðurinn verður tekinn af fjárhagslið 05710.

Tekið fyrir erindi frá félagsskapnum Pilsaþyt þar sem óskað er eftir styrk til að standa straum af húsaleigu vegna námskeiðs í þjóðbúningasaumi sem fram fer á árinu 2017.

Atvinnu-, menningar- og kynningarnefnd þakkar erindið og samþykkir að styrkja Pilsaþyt um kr. 50.000,- sem tekinn verður af lið 05890.