Atvinnu- og ferðamálanefnd

Rætt um útfærslu á markaðs- og kynningarátaki í Skagafirði sem unnið er samkvæmt sóknaráætlun Norðurlands vestra. Samþykkt að verja allt að 1 m.kr. til þess að vinna að myndbandsefni sem fellur innan verkefnisins. Sigfúsi Inga falið að fylgja því eftir. Vinna við nýjan visitskagafjordur.is vef er langt komin og verður lokið á næstunni. Áfram verði unnið að undirbúningi og útfærslu á öðrum þáttum markaðs- og kynningarátaksins en stefnt er að sérstökum vinnufundi nefndarinnar um þau mál á næstu vikum.

Tekin fyrir umsókn um stuðning vegna héraðshátíðarinnar Lummudaga 2013. Samþykkt að styrkja hátíðina um kr. 150.000,- Viggó Jónsson vék af fundi undir þessum lið.

Nýtt og væntanlegt kynningarefni ferðaþjónustunnar í Skagafirði skoðað og rætt um næstu skref í þeim efnum.