Atvinnu- og ferðamálanefnd

Atvinnu- og ferðamálanefnd Skagafjarðar

 

Fimmtudaginn 12. ágúst kom atvinnu- og ferðamálanefnd saman til fundar í Stjórn­sýsluhúsinu á Sauðárkróki.

Mættir voru: Einar Gíslason, Ásdís Guðmundsdóttir og Stefán Gíslason.

 

DAGSKRÁ:

1. Markaðsmál í ferðaþjónustu
2. Eignarhaldsfélag
3. Hestasport, heimsóknir erlendra hópa til Skagafjarðar
4. Bleikjueldi
5. Gönguleið

 

AFGREIÐSLUR:

1. Bjarni Freyr Bjarnason mætti á fundinn. Bjarni gerði grein fyrir heimsókn til 14 ferðaskrifstofa ásamt samgönguráðuneyti og Ferðamálaráði Íslands á Akureyri.

Tilgangur ferðarinnar var að heyra viðhorf þessara aðila til ferðaþjónustu í Skagafirði og fá ráðleggingar um það hvernig best væri að þróa ferðamál í héraðinu í nánustu framtíð. Mikil umræða varð um markaðsmál i ferðaþjónustu í Skagafirði

 

2. Orri Hlöðversson mætti á fundinn. Borist hefur bréf frá Hring, atvinnuþróunar­félagi Skagafjarðar ásamt bréfi frá Kaupþingi Norðurlands varðandi eignarhalds­félag (fjárfestingafélag). Í framhaldi af því leggur atvinnu- og ferðamálanefnd til að könnuð verði stofnun á eignarhaldsfélagi á Norðurlandi í samvinnu við sveitarfélög á Norðurlandi, Byggðastofnun, Kaupþing Norðurlands og fyrirtæki.

 

3. Ákveðið að kalla forsvarsmenn Hestasports til fundar varðandi málið.

 

4. Stefán Guðmundsson gerði grein fyrir viðræðum við PriceWaterHouse Coopers varðandi arðsemisathugun á bleikjueldi í Skagafirði.

 

5. Stefán Guðmundsson sagði frá gönguleið að Óskatjörn í Tindastól um s.l. helgi. Alls fóru 65 manns að Óskatjörninni. Rætt um að stefna að sambærilegri ferð á næsta ári.

 

Fleira ekki gert og fundi slitið.

 

Stefán Guðmundsson                                         Bjari Freyr Bjarnason

Ásdís Guðmundsdóttir

Einar Gíslason