Atvinnu- og ferðamálanefnd

Tekið fyrir erindi frá Benedikts Sigurðssyni þar sem hann óskar eftir styrk til að hefja ferðaþjónustu á Reykjum. Nefndin sér sér ekki fært að verða við erindinu eins það liggur fyrir.

Tekið fyrir erindi frá Jónsmessufélaginu í Hofsósi þar sem óskað er eftir styrk til kynningar á Jónsmessuhátíðinni í Hofsósi. Nefndin samþykkir að styrkja verkefnið um kr. 150.000 af lið 13090.

Lagt fram erindi frá Sigurði Skagfjörð þar sem hann óskar eftir viðræðum um það að taka að sér rekstur tjaldsvæðisins í Varmahlíð. Sviðsstjóra falið að ræða nánar við hann um málið.

Lagt fram til kynningar svar frá Iðnaðaráðuneyti við styrkumsókn vegna mótvægisaðgerða í ferðaþjónustu. Ákveðið hefur verið að styrkja verkefnið um kr. 1.500.000 til kynningar- og markaðsstarfs. Nefndin fagnar ákvörðun ráðuneytisins.

Sviðsstjóri kynnti drög að nýjum bæklingi um Skagafjörð fyrir ferðamenn á íslensku. Stefnt að útgáfu bæklingsins í maímánuði. Vinna við erlenda útgáfu af bæklingum er hafin. Bæklingurinn er unninn af Jóni Þór Bjarnasyni ferðamálafræðingi með aðstoð sérstakrar ritnefndar sem Félag ferðaþjónustunnar í Skagafirði tilnefndi fulltrúa í. Stefnt er að opnun vefsíðu um ferðamöguleika í Skagafirði í ágúst.

Sviðsstjóri lagði fram stöðu á fjárhagsliðum sem heyra undir Atvinnu- og ferðamálanefnd þann 1. maí sl.