Byggðarráð Svf. Skagafjarðar

Byggðarráð Sveitarfélagsins Skagafjarðar mótmælir því harðlega að staða sýslumannsins á Sauðárkróki hafi ekki verið auglýst og í hana ráðið til eins árs á meðan óvissa ríkir um framtíðarskipan embættisins.
Fyrir Alþingi liggur lagafrumvarp sem gerir ráð fyrir að aðskilja sýslumanns- og löggæsluhluta sýslumannsembætta landsins. Byggðarráð telur óeðlilegt að á meðan lagafrumvarpið hefur ekki hlotið fullnaðarafgreiðslu á Alþingi, sé staða sýslumannsins á Sauðárkróki lögð niður.
Byggðarráð telur eðlilegt að ákvörðun um framtíðarskipun sýslumannsembætta sé tekin á Alþingi en ekki innan veggja ráðuneytis.

Stefán Vagn Stefánsson, oddviti Framsóknarflokks
Bjarni Jónsson, oddviti Vinstri grænna
Jón Magnússon, oddviti Sjálfstæðisflokks
Sigurjón Þórðarson, oddviti Frjálslyndra og óháðra
Þorsteinn T. Broddason, oddviti Samfylkingar

Lagt fram erindi frá sýslumanninum á Sauðárkróki þar sem óskað er umsagnar um umsókn Flugu hf. um endurnýjun á rekstrarleyfi fyrir Reiðhöllina Svaðastaði. Flokkur II - veitingastofa, greiðasala, samkomusalur.
Byggðarráð gerir ekki athugasemdir við umsóknina.

Lagðar fram til kynningar upplýsingar frá Sambandi íslenskra sveitarfélaga um nýlegar lagabreytingar sem samþykktar voru á Alþingi, s.s. breyting á sveitarstjórnarlögum, breyting á lögum um gatnagerðargjald og breyting skipulagslögum.

Lögð fram til kynningar fundargerð þriðja fundar stjórnar Samtaka sjávarútvegssveitarfélaga frá 11. desember 2012.

Lagðar fram til kynningar upplýsingar um rekstur sveitarfélagsins og stofnana þess fyrir tímabilið janúar - nóvember 2012.