Byggðarráð Svf. Skagafjarðar

Lögð fram eftirfarandi tillaga frá Grétu Sjöfn Guðmundsdóttur, K-lista og Bjarna Jónssyni V-lista:

Skipun starfshóps til að vinna að drögum að innkaupareglum fyrir Sveitarfélagið Skagafjörð.

Lagt er til að lokið verið við vinnu að drögum að innkaupareglum fyrir Sveitarfélagið Skagafjörð, samkvæmt lögum um opinber innkaup nr. 84/2007 líkt og samþykkt var á fundi sveitarstjórnar 20. júní 2013. Lagt er til að skipaður verði nýr starfshópur til að vinna drög að reglum og honum verði sett tímamörk að skilum.

Greinargerð:
Árið 2013 var samþykkt á vettvangi Sveitarstjórnar Sveitarfélagsins Skagafjarðar að skipa starfshóp til að vinna að drögum að innkaupareglum og byggðaráð tilnefndi í starfshópinn 27. júní 2013. Sá starfshópur skilaði ekki því verki til sveitarstjórnar sem að var stefnt. Tilgangur laga um opinber innkaup er að tryggja jafnræði fyrirtækja við opinber innkaup, stuðla að hagkvæmni í opinberum rekstri með virkri samkeppni og efla nýsköpun og þróun við innkaup hins opinbera á vörum, verkum og þjónustu. Mikilvægt er að Sveitarfélagið Skagafjörður skipi sér á lista þeirra sveitarfélaga sem sett hafa sér innkaupareglur.

Byggðarráð samþykkir að endurskipa í starfshópinn og fá einn fulltrúa frá hverju framboði í hann. Tilnefningar í starfshópinn verði teknar fyrir á næsta byggðarráðsfundi.

Sjá trúnaðarbók.

Sjá trúnaðarbók.

Undir þessum dagskrárlið sátu fundinn Þórólfur Gíslason, Pétur Stefánsson, Sigurjón Rúnar Rafnsson og Ólafur Sigmarsson fyrir hönd Kaupfélags Skagfirðinga, Hreinn Haraldsson vegamálastjóri, Gunnar Guðmundsson svæðisstjóri og Guðmundur Heiðreksson. Til umræðu voru fyrirhugaðar framkvæmdir við verslunarhúsnæði Kaupfélags Skagfirðinga í Varmahlíð og staða mála gagnvart skipulagsmálum og legu þjóðvegar 1 um Skagafjörð.

Undir þessum dagskrárlið sátu fundinn Hreinn Haraldsson vegamálastjóri, Gunnar Guðmundsson svæðisstjóri og Guðmundur Heiðreksson. Til umræðu voru vegamál í Skagafirði.

Lögð fram til kynningar fundargerð 18. fundar stjórnar Róta bs. þann 15. júní 2015.

Lögð fram til kynningar fundargerð 2. fundar ráðgefandi hóps um aðgengismál þann 13. ágúst 2015.