Byggðarráð Svf. Skagafjarðar

Byggðarráð bókaði svohljóðandi á 734. fundi sínum þann 17. mars 2016: "Í ljósi nýlegrar viljayfirlýsingar Alþýðusambands Íslands og Reykjavíkurborgar um uppbyggingu á íbúðarhúsnæði fyrir tekjulágar fjölskyldur og einstaklinga á næstu fjórum árum, samþykkir byggðarráð að óska eftir formlegu samstarfi við ASÍ á sama grundvelli til að bæta úr brýnum húsnæðisskorti í Sveitarfélaginu Skagafirði. Byggðarráð fagnar þessu framtaki ASÍ og felur sveitarstjóra að fylgja málinu eftir af hálfu ráðsins."
Á þennan fund komu Gylfi Arnbjörnsson forseti ASÍ og Þórarinn Sverrisson formaður Öldunnar - stéttarfélags. Gylfi kynnti hugmyndir og áætlanir ASÍ varðandi verkefnið á höfuðborgarsvæðinu.