ASÍ - húsnæðismál

Í ljósi nýlegrar viljayfirlýsingar Alþýðusambands Íslands og Reykjavíkurborgar um uppbyggingu á íbúðarhúsnæði fyrir tekjulágar fjölskyldur og einstaklinga á næstu fjórum árum, samþykkir byggðarráð að óska eftir formlegu samstarfi við ASÍ á sama grundvelli til að bæta úr brýnum húsnæðisskorti í Sveitarfélaginu Skagafirði. Byggðarráð fagnar þessu framtaki ASÍ og felur sveitarstjóra að fylgja málinu eftir af hálfu ráðsins.

Byggðarráð fagnar skjótum og jákvæðum svörum Alþýðusambands Íslands við óskum Sveitarfélagsins Skagafjarðar um samstarf um uppbyggingu íbúðarhúsnæðis í Skagafirði. Um afar mikilvægt verkefni er að ræða í þá átt að leysa úr þeim brýna húsnæðisvanda sem fyrir er í sveitarfélaginu.
Sveitarstjóra er falið að koma á fundi byggðarráðs með forsvarsmönnum ASÍ og stéttarfélögunum í Skagafirði.

Afgreiðsla 734. fundar byggðarráðs staðfest á 339. fundi sveitarstjórnar 13. apríl 2016 með níu atkvæðum.

Afgreiðsla 735. fundar byggðarráðs staðfest á 339. fundi sveitarstjórnar 13. apríl 2016 með níu atkvæðum.

Byggðarráð bókaði svohljóðandi á 734. fundi sínum þann 17. mars 2016: "Í ljósi nýlegrar viljayfirlýsingar Alþýðusambands Íslands og Reykjavíkurborgar um uppbyggingu á íbúðarhúsnæði fyrir tekjulágar fjölskyldur og einstaklinga á næstu fjórum árum, samþykkir byggðarráð að óska eftir formlegu samstarfi við ASÍ á sama grundvelli til að bæta úr brýnum húsnæðisskorti í Sveitarfélaginu Skagafirði. Byggðarráð fagnar þessu framtaki ASÍ og felur sveitarstjóra að fylgja málinu eftir af hálfu ráðsins."
Á þennan fund komu Gylfi Arnbjörnsson forseti ASÍ og Þórarinn Sverrisson formaður Öldunnar - stéttarfélags. Gylfi kynnti hugmyndir og áætlanir ASÍ varðandi verkefnið á höfuðborgarsvæðinu.

Afgreiðsla 747. fundar byggðarráðs staðfest á 344. fundi sveitarstjórnar 29. júní 2016 með níu atkvæðum.

Lagður fram til kynningar tölvupóstur frá Gylfa Arnbjörnssyni forseta ASÍ til Karls Björnssonar, framkvæmdastjóra Sambands íslenskra sveitarfélaga varðandi húsnæðisþörf á landsbyggðinni.