Byggðarráð Svf. Skagafjarðar

Lagt fram erindi frá sýslumanninum á Sauðárkróki, þar sem óskað er umsagnar um umsókn Sigurpáls Aðalsteinssonar fh. Videosports um breytingu á rekstrarleyfi fyrir Kaffi Krók, Aðalgötu 16, Sauðárkróki. Kaffi Krókur hefur heimilaðan veitingatíma til kl. 01:00 alla daga; þó til kl. 03:00 aðfararnótt laugardags, sunnudags eða almenns frídags. Óskar rekstraraðili eftir að hafa einnig opið aðfararnætur Nýársdags frá kl. 00:00 til 04:00, Föstudagsins langa frá kl. 00:00 til 04:00, Páskadags frá kl. 00:00 til 04:00 og annan dags jóla frá kl. 23:00 til 03:00.

Byggðarráð gerir ekki athugasemd við breytinguna.

Lagt fram erindi frá sýslumanninum á Sauðárkróki, þar sem óskað er umsagnar um umsókn Sigurpáls Aðalsteinssonar fh. Videosports um breytingu á rekstrarleyfi fyrir Mælifell, Aðalgötu 7, Sauðárkróki. Mælifell hefur heimilaðan veitingatíma til kl. 01:00 alla daga; þó til kl. 03:00 aðfararnótt laugardags, sunnudags eða almenns frídags. Óskar rekstraraðili eftir að hafa einnig opið aðfararnætur Nýársdags frá kl. 00:00 til 04:00, Föstudagsins langa frá kl. 00:00 til 04:00, Páskadags frá kl. 00:00 til 04:00 og annan dags jóla frá kl. 23:00 til 03:00.

Byggðarráð gerir ekki athugasemd við breytinguna.

Lagt fram bréf frá Póst- og fjarskiptastofnun varðandi ósk Íslandspósts um lokun póstafgreiðslu á Hofsósi, sem starfrækt hefur verið í samstarfi við verslun Kaupfélags Skagfirðinga. Telur fyrirtækið að ekki séu viðskiptalegar forsendur fyrir því að rekin sé póstafgreiðsla áfram í óbreyttri mynd og óskar því eftir að fá að loka afgreiðslu og bjóða upp á þjónustu póstbíls. Óskar Póst- og fjarskiptastofnun eftir að umsögn sveitarstjórnar berist fyrir 8. febrúar 2011.

Byggðarráð leggst gegn lokun póstafgreiðslu á Hofsósi, sem þýðir skerta þjónustu fyrir íbúa og fyrirtæki á svæðinu. Jafnframt felur byggðarráð sveitarstjóra að svara erindinu formlega á þeim nótum.

Lagt fram bréf frá forsvarsmönnum áhugahóps um myndlist í Skagafirði, þar sem óskað er eftir að fá húsnæðið Skógargötu 11 (Gúttó) til afnota fyrir starfsemi hópsins.

Byggðarráð tekur jákvætt í erindið og felur sveitarstjóra að ganga frá samningi við hópinn.

Erindi frá Nova ehf um leyfi til að setja upp farskiptabúnað í og á Menningarhúsið Miðgarð, Varmahlíð.

Byggðarráð samþykkir erindið fyrir sitt leiti með fyrirvara um afgreiðslu skipulags- og bygginganefndar.