Umsókn um lokun póstafgreiðslu

Lagt fram bréf frá Póst- og fjarskiptastofnun varðandi ósk Íslandspósts um lokun póstafgreiðslu á Hofsósi, sem starfrækt hefur verið í samstarfi við verslun Kaupfélags Skagfirðinga. Telur fyrirtækið að ekki séu viðskiptalegar forsendur fyrir því að rekin sé póstafgreiðsla áfram í óbreyttri mynd og óskar því eftir að fá að loka afgreiðslu og bjóða upp á þjónustu póstbíls. Óskar Póst- og fjarskiptastofnun eftir að umsögn sveitarstjórnar berist fyrir 8. febrúar 2011.

Byggðarráð leggst gegn lokun póstafgreiðslu á Hofsósi, sem þýðir skerta þjónustu fyrir íbúa og fyrirtæki á svæðinu. Jafnframt felur byggðarráð sveitarstjóra að svara erindinu formlega á þeim nótum.

Afgreiðsla 543. fundar byggðaráðs staðfest á 275. fundi sveitarstjórnar með níu atkvæðum.