Byggðarráð Svf. Skagafjarðar

Lögð fram auglýsing þar sem auglýst er laus til umsóknar staða skólastjóra Varmahlíðarskóla. Auglýsingin var samþykkt á 6. fundi samstarfsnefndar með Akrahreppi, 29. mars. 2011.

Byggðarráð staðfestir ákvörðun samstarfsnefndar.

Forsvarsmenn Faxatorgs ehf. komu á fund byggðarráðs og kynntu starfsemi félagsins.

Lögð fram umsókn frá Mælifelli, frímúarastúku um styrk til greiðslu fasteignaskatts, vegna fasteignar félagsins, skv. 2. mgr. 5.gr. laga um tekjustofna sveitarfélaga nr. 4/1995.

Byggðarráð samþykkir í ljósi fyrirliggjandi gagna og með vísan til reglna sveitarfélagsins að veita styrk sem nemur 30% af álögðum fasteignaskatti árins 2011.

Lagt fram erindi frá sýslumanninum á Sauðárkróki, þar sem óskað er umsagnar um umsókn Ragnheiðar Á Jóhannsdóttur fyrir hönd 13 29 ehf., kt. 420309-0310 um breytingu á starfsstöð. Starfsstöð var Sólvík-Baldurshagi á Hofsósi, en verður Aðalgata 8, Sauðárkróki.

Byggðarráð gerir ekki athugasemdir við umsóknina.

Erindinu vísað frá 170. fundi félags- og tómstundanefndar. Bókun nefndarinnar var eftirfarandi: "UMSS og Tindastóll hyggjast stofna velferðarsjóð íþróttahreyfingarinnar i Skagafirði í þeim tilgangi að létta efnaminni foreldrum þátttöku barna sinna í íþróttastarfi. Félögin hafa óskað eftir að Sveitarfélagið Skagafjörður taki þátt í þessi verkefni með fjárframlagi, helming á móti framlagi íþróttafélaganna. Nefndin tekur vel í erindið. Ekki er gert ráð fyrir þessu í fjárhagsáætlun 2011. Því er málinu vísað til Byggðarráðs til frekari ákvörðunar."

Byggðarráð samþykkir að veita 500.000 kr. af fjárhagslið 21890 til þessa verkefnis, enda nái það til allra barna í sveitarfélaginu og felur félags- og tómstundanefnd að útfæra reglur um úthlutun í samráði við íþróttahreyfinguna í Skagafirði.

Lagt fram bréf frá Jóhanni Þór Friðgeirssyni og Friðgeiri Inga Jóhannssyni, þar sem þeir vilja kanna þann möguleika á að fá keypt eða leigt á langtímaleigu, land það er liggur ofan Hofsóss, svokallaðan Syðri-Flóa, sem liggur sunnan Unadalsvegar og austan Siglufjarðarvegar.

Byggðarráð samþykkir að vísa erindinu til umsagnar landbúnaðarnefndar.