Velferðarsjóður íþróttahreyfingarinnar

UMSS og Tindastóll hyggjast stofna velferðarsjóð íþróttahreyfingarinnar í Skagafirði í þeim tilgangi að létta efnaminni foreldrum þátttöku barna sinna í íþróttastarfi. Félögin hafa óskað eftir að Sveitarfélagið Skagafjörður taki þátt í þessi verkefni með fjárframlagi, helming á móti framlagi íþróttafélaganna. Nefndin tekur vel í erindið. Ekki er gert ráð fyrir þessu í fjárhagsáætlun 2011. Því er málinu vísað til Byggðaráðs til frekari ákvörðunar.

Erindinu vísað frá 170. fundi félags- og tómstundanefndar. Bókun nefndarinnar var eftirfarandi: "UMSS og Tindastóll hyggjast stofna velferðarsjóð íþróttahreyfingarinnar i Skagafirði í þeim tilgangi að létta efnaminni foreldrum þátttöku barna sinna í íþróttastarfi. Félögin hafa óskað eftir að Sveitarfélagið Skagafjörður taki þátt í þessi verkefni með fjárframlagi, helming á móti framlagi íþróttafélaganna. Nefndin tekur vel í erindið. Ekki er gert ráð fyrir þessu í fjárhagsáætlun 2011. Því er málinu vísað til Byggðarráðs til frekari ákvörðunar."

Byggðarráð samþykkir að veita 500.000 kr. af fjárhagslið 21890 til þessa verkefnis, enda nái það til allra barna í sveitarfélaginu og felur félags- og tómstundanefnd að útfæra reglur um úthlutun í samráði við íþróttahreyfinguna í Skagafirði.

Byggðarráð hefur samþykkt að veita 500.000 kr. af fjárhagslið 21890 til þessa verkefnis, enda nái það til allra barna í sveitarfélaginu og felur félags- og tómstundanefnd að útfæra reglur um úthlutun í samráði við íþróttahreyfinguna í Skagafirði. Félagsmálastjóra og Frístundastjóra er falið að ræða við forsvarsmenn íþróttahreyfingarinnar um útfærslu á reglum í samræmi við umræður á fundinum.

Afgreiðsla 551. fundar byggðaráðs staðfest á 277. fundi sveitarstjórnar með níu atkvæðum.

Afgreiðsla 170. fundar félags- og tómstundanefndar staðfest á 277. fundi sveitarstjórnar með níu atkvæðum.

Félagsmálastjóri kynnir tillögur að reglum velferðarsjóðs íþróttahreyfingarinnar sem eru samin af formönnum UMSS og UMFT ásamt félagsmálastjóra. Áherslan er á að greiða niður ferðakostnað fyrir börn að 18 ára aldri á íþróttamót. Lögð er áhersla á að umsóknar- og afgreiðsluferlið sé einfalt, að umsækjendum sé sýnt traust til að meta þörf sína sjálfir og mið tekið af nýlegum neysluviðmiðum og reiknivél í skýrslu Velferðarráðuneytisins. Lögð er áhersla á að gæta trúnaðar um persónuupplýsingar.Um tímabundið verkefni er að ræða sem verður endurmetið í árslok. Félags- og tómstundanefnd stendur að því mati ásamt stjórnum UMSS/UMFT. Nefndin staðfestir reglurnar fyrir sitt leyti og vísar þeim til Byggðarráðs til kynningar.

Lagðar fram til kynningar reglur um velferðasjóð íþróttahreyfingar frá Félags- og tómstundanefnd. Byggðarráð lýsir yfir ánægju með verkefnið og gerir ekki athugasemdir við reglurnar.

Afgreiðsla 556. fundar byggðaráðs staðfest á 280. fundi sveitarstjórnar með níu atkvæðum.

Afgreiðsla 173. fundar félags- og tómstundanefndar staðfest á 280. fundi sveitarstjórnar með níu atkvæðum.