Byggðarráð Svf. Skagafjarðar

Lagt fram bréf frá Umhverfisstofnun, dags. 19. maí 2021, þar sem svarað er erindi frá sveitarstjóra Sveitarfélagsins Skagafjarðar dag. 17. mars 2021. Í bréfi Umhverfisstofnunar er leitast við að veita yfirsýn yfir þau afskipti sem Umhverfisstofnun hefur haft af bensínlekanum á Hofsósi, þó ekki sé tæmandi talið.
Byggðarráð þakkar fyrir veittar upplýsingar og felur sveitarstjóra að taka efni bréfsins til skoðunar í tengslum við vinnu sem varðar bótagrundvöll og kröfugerð gagnvart þeim sem bera ábyrgð á mengunartjóninu á Hofsósi sem og vegna seinagangs í tengslum við úrbætur vegna tjónsins. Byggðarráð ítrekar mikilvægi þess að nú þegar verði ráðist í viðeigandi og varanlegar úrbætur.

Lagður fram tölvupóstur, dagsettur 18. maí 2021, frá sýslumannsembættinu á Norðurlandi vestra. Með umsókn dagsettri 17.05. 2021. sækir Torfi Ólafsson, kt. 260451-2199, Skarði, 551 Sauðárkrókur, f.h. Skarðs ehf., kt. 430901-2140, um leyfi til að reka gististað í flokki II að Nýja-Skarði, 551 Sauðárkrókur. Fnr. 2508028. Byggðarráð gerir ekki athugasemd við umsóknina.

Byggðarráð samþykkir að beina því til sveitarstjórnar að fella niður gatnagerðargjöld af byggingum íbúðarhúsnæðis af hálfu einstaklinga og verktaka á íbúðarhúsalóðunum Laugaveg 19 og Birkimel 29 og Birkimel 30 í Varmahlíð. Verði það gert á grundvelli sérstakrar lækkunarheimildar sem hægt er að veita skv. 6. gr. laga um gatnagerðargjöld nr. 153/2006.
Nýjar lóðir sem auglýstar verða til úthlutunar í kjölfar deiliskipulagsferlis fyrir frekari íbúðabyggð við Birkimel munu bera full gatnagerðargjöld enda verður gjaldinu varið til nýrrar gatnagerðar í tengslum við fyrirhugaða íbúðabyggð.

Samgöngu- og sveitarstjórnarráðuneytið kynnir til samráðs mál nr. 115/2021, Hvítbók um byggðamál. Umsagnarfrestur er til og með 31.05.2021.