Byggðarráð Svf. Skagafjarðar

Unnið með gögn vegna fjárhagsáætlunar 2009. Fyrri umræða um fjárhagsáætlun er fyrirhuguð í sveitarstjórn 18. desember og til þess að það geti gengið eftir þurfa nefndir að hafa skilað gaumgæfilega endurskoðuðum áætlunum fyrir byggðarráðsfund 15. desember 2009 ásamt endurskoðuðum gjaldskrám.

Lagt fram aðalfundarboð 2008 Eyvindarstaðaheiðar ehf. Fundurinn verður haldinn 9. desember nk.
Byggðarráð samþykkir að Gréta Sjöfn Guðmundsdóttir verði fulltrúi sveitarfélagsins á fundinum.

Lagt fram bréf frá samgönguráðuneytinu varðandi beiðni um upplýsingar vegna fyrirspurnar frá Alþingi. Óskar ráðuneytið eftir sundurliðuðum upplýsingum um verklegar framkvæmdir sem munu verða í gangi á vegum sveitarfélagsins á næsta ári eða eru líklegar til að vera í gangi, s.s. varðandi grunn- og leikskóla, samgöngumannvirki ofl.
Byggðarráð samþykkir að fela sveitarstjóra að svara erindinu.

Lagðar fram til kynningar rekstrarupplýsingar úr bókhaldi sveitarfélagsins og stofnana pr. 31.10. 2008.

Lagt fram til kynningar bréf frá Vinnumálastofnun þar sem kynntur er bæklingur frá verkefnisstjórn verkefnis sem hefur það meginmarkmið að styrkja stöðu miðaldra og eldra fólks á vinnumarkaði.