Byggðarráð Svf. Skagafjarðar

Lögð fram umsókn frá Leikfélagi Sauðárkróks um styrk til greiðslu fasteignaskatts 2008. Með umsókninni fylgja fullnægjandi gögn skv. reglugerð sveitarfélagsins þar að lútandi.
Byggðarráð samþykkir að styrkja leikfélagið um 70% af álögðum fasteignaskatti 2008.

Lagt fram boð um ársfund Hátækniseturs Íslands ses, sem verður haldinn í Verinu, Sauðárkróki, föstudaginn 30. maí nk.
Byggðarráð samþykkir að Gunnar Bragi Sveinsson fari með atkvæðisrétt sveitarfélagsins á fundinum. Jafnframt er samþykkt að Gunnar Bragi Sveinsson, Snorri Styrkársson og Gísli Sigurðsson verði fulltrúar sveitarfélagsins í stjórn. Ennfremur eru sveitarstjórnarfulltrúar hvattir til að mæta á fundinn.

Lagt fram aðalfundarboð Farskólans - miðstöðvar símenntunar á Norðurlandi vestra, þriðjudaginn 27. maí nk.
Byggðarráð samþykkir að Sigurður Árnason formaður fræðslunefndar fari með atkvæðisrétt sveitarfélagsins á fundinum.

Lagt fram til kynningar boð um ársfund Byggðastofnunar 2008.

Lagt fram til kynningar aðalfundarboð Veiðifélags Sæmundarár og Veiðifélags Miklavatns.

Lagt fram til kynningar boð um aðalfund Landssambands fiskeldisstöðva 2008