Byggðarráð Svf. Skagafjarðar

Lagðar fram viðbótarupplýsingar sem byggðarráð óskaði eftir vegna umsóknar um styrk til greiðslu fasteignaskatta.
Byggðarráð samþykkir að fella niður 70% af álögðum fasteignaskatti 2009 af fasteigninni Aðalgötu 16, sbr. 5. gr. reglna sveitarfélagsins um styrki til greiðslu fasteignaskatts skv. 2. mgr. 5. gr.
laga um tekjustofna sveitarfélaga nr. 4/1995.

Lögð fram umsókn um styrk til klasaverkefnisins "Dalirnir - fjöllin - tröllin", frá Útilífsmiðstöðinni á Klaufabrekknadal ehf.
Byggðarráð samþykkir að vísa erindinu til atvinnu- og ferðamálanefndar til umsagnar.

Lögð fram umsókn frá Sigurpáli Aðalsteinssyni um styrk til fyrirhugaðrar tónlistarveislu 1. maí nk. í tilefni af Sæluviku.
Byggðarráð samþykkir að vísa erindinu til menningar- og kynningarnefndar til umsagnar.

Lagt fram aðalfundarboð Flugu ehf. sem verður haldinn 7. apríl 2009.
Byggðarráð samþykkir að Gréta Sjöfn Guðmundsdóttir og Páll Dagbjartsson fari með atkvæði Sveitarfél. Skagafjarðar á aðalfundi Flugu ehf.
Jafnframt samþykkir byggðarráð að Gréta Sjöfn Guðmundsdóttir og Páll Dagbjartsson verði tilnefnd sem aðalfulltrúar sveitarfélagsins í stjórn og til vara Gunnar Bragi Sveinsson og Gunnar Rögnvaldsson.

Lagðar fram til kynningar rekstrartölur fyrir sveitarfélagið og stofnanir þess fyrir tímabilið janúar - febrúar 2009.
Byggðarráð beinir því til sviðsstjóra og forstöðumanna að fylgjast áfram vel með rekstrinum og að rekstrareiningar séu innan fjárhagsáætlunar á hverjum tíma.

Lagt fram til kynningar bréf frá ParX Viðskiptaráðgjöf IBM varðandi samanburðargreiningu fyrir íslensk sveitarfélög.