Félags- og tómstundanefnd Svf. Skagafjarðar

Formaður kynnti ramma fyrir fjárhagsáætlun fyrir málaflokka 02 og 06. Starfsmönnum falið að vinna áfram að tillögum að skiptingu á milli stofnana og leggja fyrir næsta fund nefndarinnar.

Formaður kynnti drög að nýjum rekstrarsamningi fyrir skíðasvæðið í Tindastóli. Nefndin samþykkir að leggja til orðalagsbreytingu í 4. grein á þann veg að á eftir orðinu upphæð komi ,,allt að" krónur 1.600.000. Félags- og tómstundanefnd samþykkir drögin fyrir sitt leyti og vísar þeim til byggðarráðs.

Lagðir voru fram undirskriftalistar frá gestum sundlaugarinnar á Sauðárkróki með ósk um að keyptur verði nýr infra-rauður hitaskápur í stað þess gamla sem er ónýtur. Í áskoruninni var einnig bent á lélegt ástand mannvirkisins, sérstaklega í búningsklefum. Félags- og tómstundanefnd þakkar fyrir erindið og þarfar ábendingar og samþykkir að vísa því til skoðunar við gerð fjárhagsáætlunar.

Formaður fór yfir þá vinnu sem hafin er að undirbúningi fyrir Landsmót unglinga sem haldið verður á Sauðárkróki 2014. Félags- og tómstundanefnd leggur áherslu á að mikilvægt er að hraða undirbúningsvinnu þannig að kostnaður og aðkoma sveitarfélagsins að öðru leyti liggi fyrir við gerð fjárhagsáætlunar og aðra áætlunargerð.

Forstöðumaður frístunda- og forvarnamála fór yfir starfsemi vinnuskóla og sumartím árið 2013. Nefndin þakkar fyrir greinargóða skýrslu.

Forstöðumaður frístunda- og forvarnamála fór yfir starfsemi Húss frítímans og Friðar árið 2013. Nefndin þakkar fyrir greinargóða skýrslu.

Lagt fram erindi Styrktarfélags fatlaðra og lamaðra um fjárframlag vegna sumardvalar barna úr sveitarfélaginu í Reykjadal sumarið 2013. Nefndin samþykkir að greiða hlut sveitarfélagsins að upphæð kr. 187.600.- Greiðist af gjaldalið félagslegrar liðveislu vegna barna.

Samþykkt fjögur erindi frá þremur einstaklingum. Sjá trúnaðarbók.