Félags- og tómstundanefnd Svf. Skagafjarðar

Gréta Sjöfn Guðmundsdóttir fór yfir fundargerð þjónusturáðs og gerði grein fyrir helstu áherslum í þjónustunni á Norðurlandi vestra.

Gréta Sjöfn Guðmundsdóttir kynnti fjárhagsáætlun málefna fatlaðra á Norðurlandi vestra fyrir árið 2016 og rekstrarstöðu.

Félagsmálastjóri kynnti rekstrarstöðu félagsþjónustunnar fyrstu átta mánaða ársins.

Lagt fram bréf fjögurra ungmenna þar sem þeir óska eftir að sett verði upp svæði fyrir hjólabrettaiðkun. Nefndin felur forstöðumanni frístunda- og íþróttamála að hafa samband við bréfritara og leggja fram tillögur fyrir nefndina til umræðu.

Kynnt starfsemi Dagdvalar aldraðra. Lögð fram drög að reglum um dagdvöl, sem verða til umræðu á næstu fundum.

Elísabet Pálmadóttir forstöðumaður Dagdvalar aldraðra sat fundinn undir þessum dagskrárlið.

Gunnar Sandholt og Guðný Axelsdóttir sátu landsfund jafnréttisnefnda á Akureyri föstudaginn 16. september. Yfirskrift fundarins var jafnréttismál eru sveitarstjórnarmál þar sem fjallað var m.a. um jafnréttismál í stjórnsýslunni.

Félags- og tómstundanefnd samþykkir bráðabirgðaleyfi handa Lovísu Hlynsdóttur, Jöklatúni 12, til að starfa sem dagforeldri á heimili sínu. Leyfið gildir fyrir fjögur börn, að hennar eigin barni meðtöldu, til eins árs.

Tekin voru fyrir 15 mál og niðurstaða færð í trúnaðarbók.