Félags- og tómstundanefnd Svf. Skagafjarðar
Dagskrá
Samkvæmt samþykktum Sveitarfélagsins Skagafjarðar skipar Akrahreppur áheyrnarfulltrúa í félags- og tómstundanefnd. Guðrún Helga Jónsdóttir sat fundinn f.h. Akrahrepps.
1.Íþróttir og tómstundir á skólaaksturstíma í GAV
Málsnúmer 1812198Vakta málsnúmer
Lögð fram til kynningar tvö minnisblöð. Annað um haustsamverur í Grunnskólanum austan Vatna og hitt um möguleika til íþróttaæfinga á skólatíma. Frístundastjóri fór yfir málið. Félags- og tómstundanefnd samþykkir þær tillögur sem fram koma í minnisblöðunum og sem lúta m.a. að seinkun skólaaksturs á mánudögum vegna íþróttaæfinga og jafnframt hugmyndir um að auka tíma til félagsstarfa með nemendum. Frístundastjóra falið að vinna áfram að útfærslu málsins með hliðsjón af reynslunni.
2.Óskað eftir tilnefningum til Jafnréttisviðurkenningar
Málsnúmer 1909032Vakta málsnúmer
Lagt fram erindi frá Jafnréttisstofu þar sem óskað er eftir tilnefningu til jafnréttisviðurkenningar fyrir árið 2019. Jafnréttisviðurkenningu geta hlotið einstaklingar, fyrirtæki, stofnanir, sveitarfélög, hópar eða félagasamtök, sem á einn eða annan hátt hafa skarað fram úr eða markað spor á sviði jafnréttismála í víðri merkingu.
Þorvaldur Gröndal vék af fundi eftir lið 2.
3.Málefni fatlaðs fólks á Nlv - Fundargerðir þjónusturáðs
Málsnúmer 1609085Vakta málsnúmer
Farið var yfir þá stöðu sem áður hefur verið kynnt í nefndinni um að samstarfssamningur um þjónustu við fatlað fólk á Norðurlandi vestra rennur út um næstu áramót. Félagsmálastjóri kynnti að verið væri að skipa starfshóp sem ætlað er að útfæra yfirfærslu málaflokksins til sveitarfélaganna.
Guðrún Helga Jónsdóttir fulltrúi Akrahrepps vék af fundi eftir lið 3.
4.Trúnaðarbók Félags- og tómstundanefndar 2019
Málsnúmer 1902123Vakta málsnúmer
Eitt mál tekið fyrir og samþykkt.
Fundi slitið - kl. 16:45.